Maður á fertugsaldri úr Reykjanesbæ hefur verið ákærður fyrir sérstaklega hættulega líkamsárás.
Honum er gefið að sök að hafa aðfaranótt miðvikudagsins 6. mars 2024, innandyra í fjölbýlishúsi, veist að konu með 30 cm löngum hnífi, skorið hana í andlit og stungið hana tvívegis í brjóstbakið hægra megin, með þeim afleiðingum að hún hlaut djúpan skurð á nefi, frá vinstri kinn rétt fyrir neðan auga, skáhallt niður undir nefbroddinn og
inn að brjóski, meðfram brúninni á hægri nös inn að nasavæng og aðeins inn að kinn hægra megin. Hún hlaut einnig tvö stungusár á aftanverða hægri öxl og grunnan skurð á hægri upphandlegg.
Hinum ákærða hefur nýlega verið birt ákæra í málinu en það er til meðferðar hjá Héraðsdómi Reykjaness. Hann er margdæmdur brotamaður og ná brot hans allt aftur til ársins 2019. Flest eru þau fyrir akstur undir áhrifum fíkniefna og fyrir fíkniefnabrot.
