Moldríkur bandarískur safaríveiðimaður var traðkaður til dauða af fílum í Gabon. Veiðimaðurinn hafði ógnað fílskýr með kálf og brást hjörðin illa við.
Blaðið New York Post greinir frá þessu.
Hinn látni veiðimaður hét Ernie Dosio og var 75 ára að aldrei. Aðstandendur lýsa honum sem vænum sveitapilti sem hafi elskað náttúruna. Dosio var reyndur safaríveiðimaður og hafði margsinnis veitt í Afríku.
Dosio var reyndar alls ekki að veiða fíla í þessari ferð, sem er talin hafa kostað 40 þúsund dollara. Eða um 5 milljónir króna. Hann var að leita að ákveðinni tegund hindar (duiker) sem þekktar eru fyrir að vera með gult bak. Var hann á veiðum ásamt leiðsögumanni sínum djúpt í frumskógum Afríkurríkisins Gabon, á vesturströnd álfunnar. En það var hjörð fíla sem traðkaði hann til dauða.
„Þegar þeir voru í skóginum mættu Ernie og leiðsögumaður hans fimm fílskúm með kálf,“ sagði annar safaríveiðimaður og góðvinur Dosio við New York Post. „Fílunum fannst þeim ógnað og réðust samstundis á þá.“
Dosio og leiðsögumaðurinn komust hvergi í burtu. Trjágróðurinn var svo þykkur. Þeir sáu ekki að fílarnir voru að ná þeim fyrr en allt of seint. En að kom veiðimönnunum mjög á óvart að finna fíla á þessum stað þrátt fyrir að í Gabon sé hægt að finna flesta villta fíla í heiminum.
Fílarnir fleygðu leiðsögumanninum í burtu og tröðkuðu síðan á hinum aldna Dosio. Hann var vopnaður haglabyssu en það skipti engu. Hann hefði allt eins geta verið vopnaður vatnsbyssu gegn þessari hjörð.
„Ég vill helst ekki fara út í smáatriðin en það er hægt að álykta að dauðinn hafi komið fljótt,“ sagði vinurinn.
Leiðsögumaðurinn, sem var vopnaður riffli, lifði árásina af en hlaut alvarleg meiðsli. En hann var ráðinn í gegnum suður afrískt veiðifélag.
„Ernie hefur veitt síðan hann gat haldið á riffli og hefur fellt margan stórgripinn í Afríku og í Bandaríkjunum,“ sagði vinurinn. Sagði hann að Dosio hafi verið bæði vel þekktur og virtur. Hann hafi aldrei veitt nein án leyfis og hefði verið með allt sitt upp á tíu.
Dosio bjó í Kaliforníufylki og átti þar vínekru nálægt bænum Modesto. Á heimili hans mátti sjá uppstoppuð höfuð fíla, ljóna, buffala, nashyrninga, krókódíla, sebrahesta og hlébarða svo eitthvað sé nefnt.
„Hann var mikill náttúruverndarsinni og lét mikið af hendi rakna til góðgerðarmál, hann var mjög góður gaur,“ segir vinurinn.
