Morgunblaðið skýrir frá þessu í dag. Fram kemur að minnisblað frá Rafmyntaráði Íslands hafi verið kynnt á fundi með Sjálfstæðisflokknum í vikunni og að í því komi fram að Íslendingar hafi keypt Bitcoin fyrir 600 milljónir.
Fjöldi viðskiptavini Myntkaupa er sagður hafa næstum þrefaldast á síðustu tveimur mánuðum og séu þeir nú um þrjú þúsund.
Verðið á Bitcoin hefur sveiflast mikið síðustu mánuði og misseri og ár en í vikunni fór það í fyrsta sinn yfir fimmtíu þúsund dali fyrir eitt Bitcoin.
Morgunblaðið hefur eftir Kjartani Ragnars, framkvæmdastjóra Rafmyntaráðs, að töluvert hafi borið á alvarlegum staðreyndavillum og úreltum upplýsingum í umfjöllun fjölmiðla um rafmyntir að undanförnu. Því sé til dæmis haldið fram að rafmyntir séu „hornsteinn í ýmissi ólöglegri starfsemi“ en hið rétta sé að á síðasta ári sé áætlað að 0,34% af viðskiptum með rafmyntir hafi tengst ólöglegri starfsemi. Hann sagði jafnframt að umræðan beri þess merki að íslenskir stjórnmálamenn hafi ekki haft mikið fyrir því að kynna sér nýjar áherslur og breytta tíma varðandi Bitcoin.
