fbpx
Þriðjudagur 16.september 2025
Fréttir

Hriplek Vinnumálastofnun – Enn á ný láku persónuupplýsingar út

Kristján Kristjánsson
Miðvikudaginn 1. desember 2021 08:00

Ekki missa af Helstu tíðindum dagsins í pósthólfið þitt

Lesa nánar

Persónuvernd hefur fengið erindi inn á sitt borð varðandi öryggisbrest í meðferð persónuupplýsinga hjá Vinnumálastofnun. Þetta er annað málið tengt Vinnumálastofnun á þessu ári.

Fréttablaðið skýrir frá þessu. Fram kemur að í júní hafi netföngum skjólstæðinga stofnunarinnar verið lekið í fjölpósti sem varðaði endurupptöku umsókna um greiðslur í sóttkví. Í október varð síðan annar brestur af sama toga þegar netföngum enskumælandi skjólstæðinga var lekið í fjölpósti sem varðaði geðheilsumál. Fimm dögum síðar sendi Vinnumálastofnun afsökunarbeiðni frá sér.

Fréttablaðið hefur eftir einum þeirra sem varð fyrir lekanum að tölvupósturinn hafi verið sendur á enskumælandi notendur og muni örugglega hafa áhrif á traust fólks til íslenskra stofnana. Hann sagði að málið sé mjög óþægilegt og auk þess hafi verið farið óvarlega með persónuupplýsingar í Facebookhópum á vegum stofnunarinnar en þeir voru notaðir í tengslum við sértæk úrræði. Eftir kvartanir frá notendum var aðgangsstillingum hópanna breytt.

Unnur Sverrisdóttir, forstjóri Vinnumálastofnunar, sagði í samtali við Fréttablaðið að málið væri í lögbundnu ferli og hafi verið tilkynnt Persónuvernd.

Vigdís Eva Líndal, sviðsstjóri hjá Persónuvernd, sagði að tilkynning hafi borist um öryggisbrest í október og málið sé í farvegi. Hún sagði stefnu stofnunarinnar vera að ljúka afgreiðslu á öllum tilkynningum innan sex vikna en þetta mál sé komið yfir þann tíma. Hún sagði of snemmt að tjá sig um alvarleika málsins.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Í gær

Leggja til að Ísrael keppi undir hlutlausum fána í Eurovision – Til að komast hjá „niðurlægjandi brottrekstri“

Leggja til að Ísrael keppi undir hlutlausum fána í Eurovision – Til að komast hjá „niðurlægjandi brottrekstri“
Fréttir
Í gær

Gagnagrunnur um þá sem „smætta“ dauða Charlie Kirk skráður á Íslandi – Hvetja til uppsagna

Gagnagrunnur um þá sem „smætta“ dauða Charlie Kirk skráður á Íslandi – Hvetja til uppsagna
Fréttir
Í gær

Ný rannsókn sýnir að andlitsgrímurnar úr covid faraldrinum eru „tifandi tímasprengja“

Ný rannsókn sýnir að andlitsgrímurnar úr covid faraldrinum eru „tifandi tímasprengja“
Fréttir
Í gær

Veistu hvað það eru margir maurar í heiminum? – Þeir eru mjög margir

Veistu hvað það eru margir maurar í heiminum? – Þeir eru mjög margir