Samband evrópskra sjónvarpsstöðva, EBU, tilkynnti að RÚV yrði sektað um 5.000 evrur eða tæplega 700 þúsund krónur fyrir framgöngu Hatara í lok Söngvakeppninnar í Tel Aviv í maí. Þetta var þegar meðlimir héldu á borða í fánalitum Palestínu þegar sjónvarpsmyndavélum var beint að þeim en mjög fljótlega var skipt yfir á aðra þátttakendur.
Skarphéðinn Guðmundsson, dagskrárstjóri Ríkisútvarpsins, segir í samtali við Mbl að Hatari þurfi ekki að greiða sektina úr eigin vasa. Þegar spurður hvort til standi að herða reglur um þátttakendur í Söngvakeppninni vegna sektarinnar segir hann að engin ástæða sé til neinna breytinga. „Við lítum svo á að málinu sé lokið og engin ástæða til að grípa til viðbóta ráðstafana,“ segir hann.