Lögreglu barst tilkynning laust eftir hálf níu í kvöld um flugslys nálægt flugvellinum við Múlakot í Fljótshlíð.
Eldur var laus í flugvélinni og fjölmennt lið lögreglu, slökkviliðs- og sjúkraflutningamanna kallað út ásamt tveimur þyrlum Landhelgisgæslunnar. Fimm voru í flugvélinni og eru að sögn lögreglu allir alvarlega slasaðir. Í tilkynningu frá lögreglu segir ennfremur:
Rannsóknardeild Lögreglustjórans á Suðurlandi fer með rannsókn málsins og nýtur aðstoðar Rannsóknarnefndar samgönguslysa og tæknideildar Lögreglunnar á Höfuðborgarsvæðinu.
Jafnframt hefur viðbragsteymi Rauðakross Íslands verið sent á vettvang til að veita vitnum að atvikinu sálrænan stuðning.Ekki er unnt að veita frekari upplýsingar að svo stöddu.
