Ágústa Arna barðist fyrir lífi sínu eftir að hún féll niður um op á neyðarútgangi á þriðju hæð á Selfossi fyrr í vikunni. Fall Ágústu var rúmlega sex metrar. Kraftaverk er að hún er á lífi. Ágústa er lömuð frá brjósti. Hún er höfuðkúpubrotin, kinnbeinsbrotin og hlaut slæmt hryggjarbrot.

Slysið var á Selfossi þar sem skrifstofu Sunnlenska fréttablaðsins eru til húsa. Á þriðju hæð eru svalir en þar er brunastigi. Op var á svalagólfinu en engin rist eða önnur vörn og féll Ágústa þar niður. Fallið var 6,3 metrar niður á steypa stétt og slóst Ágústa utan í svalir á leiðinni.

Ágústa er aðeins þrítug og þarf nú á stuðningi að halda á þessum erfiðu tímum. Hún er komin úr öndunarvél og getur tjáð við fjölskyldu sína sem er hjá henni öllum stundum.

Ljóst er að hún á langa og erfiða baráttu fyrir höndum sem auk þess að taka á líkamlega og andlega, mun reynast fjölskyldunni fjárhagslega erfið.

Margt smátt gerir eitt stórt og því hefur verið stofnaður styrktarreikningur fyrir Ágústu Örnu til þess að aðstoða hana og fjölskyldu hennar í þeirri baráttu sem framundan er.

Reikningurinn er hjá Arion banka og verður Róbert Sverrisson, viðskiptafræðingur hjá bankanum, fjármálastjóri söfnunarinnar.

Reikningsnúmerið er 0325-13-110203 og er kennitala hennar 270486-3209.