Þær eru vinkonur með áhuga á Júróvisjón keppninni sem verður að teljast yfir meðallagi mikill. Eyrún og Hildur eru konurnar á bak við margar greinarnar sem við á Bleikt höfum birt og tengjast keppninni.
Okkur fannst því viðeigandi að spyrja þær nokkurra spurninga og grennslast meðal annars fyrir um ástæður þessa yfirdrifna áhuga á Júróvisjón.
Eyrún: Vitur maður sagði einu sinni: „Ef þú ert orðin þreytt/ur á Júróvisjón, þá ertu orðin/n þreyttur á lífinu“ og ég kýs að lifa eftir því. Það er endalaus gleði, tónlist og saga sem fylgir þessari keppni og í henni kristallast eiginlega allt sem dægurmenning hefur upp á að bjóða.
Hildur: Fyrst var það showið og tónlistin en seinna varð þetta líka menningin og þessi samkoma flestra Evrópuþjóða á eitt svið. Það er eitthvað svo fallegt við Júróvisjon.
Eyrún: Kannski fyrir utan fjölskylduna? Nei, ekkert áhugamál er á jafnstórum skala og Júróvisjón.
Hildur: Bara fjölskyldan!
Eyrún: Ég er ágætis raulari, söng í kór þegar ég var yngri en syng núna mest með börnunum mínum… Júróvisjón-lög!
Hildur: Ég luma á einhverjum en þeir fá bara að njóta sín í sturtunni og í kór.
Eyrún: Já, ég fór 2010 og 2013 og er alltaf á leiðinni út aftur, vonandi á næsta ári.
Hildur: Já ég fór fyrst 2010 og síðan 2011, 2013, 2014, 2016 og er núna í Kænugarði.
Eyrún: Nokkuð ljóst að Ítalinn er sannarlega að fara að taka þetta, en ég vona að Portúgalinn veiti honum harða samkeppni!
Hildur: Ítalinn tekur þetta – enginn spurning!! Portúgal, Búlgaría, Svíþjóð og Moldóva verða ofarlega. Vona svo sannarlega að Belgía verði það líka.
Eyrún: Ég hef haldið með Belgíu alveg þangað til að ég sá hana á sviði – dæmi um algjört flopp í sviðssetningu! En vonandi verður hún ekki mjög stressuð í lokakeppninni, blessunin, og þá á þetta sennilega eftir að ganga vel hjá henni.
Hildur: Ég elska belgíska lagið. Fyrst þegar ég hlustaði á það hlustaði ég 10 sinnum í röð og fékk gæsahúð í hvert skipti. Blanche olli þó vonbrigðum þegar hún byrjaði að æfa en hefur smám saman verið að koma til. Nú er bara spurning hvort það er nóg til að skila henni sæti ofarlega, en ég vona það svo sannarlega.
Eyrún: Mjög mörg atriði eru látlaus í keppninni í ár og sviðsetningarnar bara einfaldar. Það á klárlega eftir að vinna með þeim atriðum sem leggja eitthvað í dansara og sviðsmyndina. En heildarpakkinn er rosalega flottur hjá til dæmis Ítalíu og Bretlandi.
Hildur: Það er látlaus sviðsetning hjá mörgum í ár og gimmikinn í lágmarki. Mér þykja strákanir í Sunstroke project með mjög skemmtilegt og hressandi atriði og svo verður vert að horfa á Svartfellinginn þó það fari kannski ekki í flokkin flottasta atriðið. Svo er Ítalinn náttúrlega ofurhress á sviðinu!
Eyrún: Ég vona svo innilega að við fáum óvæntan sigurvegara – Ítalanum hefur verið spáð sigri frá upphafi og það er alltaf pínu boring þegar það er, þannig var það líka með Loreen og Rybak.
Hildur: Líklega mun það koma á óvart að lítið kemur á óvart!
