Franski ljósmyndarinn KÉVIN PAGÈS sem búsettur er í Reykjavík hefur deilt fjölmörgum Íslandsmyndum með fylgjendum sínum á samfélagsmiðlum.
Kévin brá sér fyrr í dag að eldgosinu á Sundhnúksgígaröðinni og setti drónann á loft til að taka myndir. Sá hann strax eitthvað athugavert, ferðamann sem augljóslega hafði gengið að gígbrúninni. Varar Kevin ferðamenn við þessari hegðun.
„Allt í lagi … (ekki mín venjulega tegund af efni en ég varð að deila þessu). Tekið fyrir um það bil klukkutíma síðan þegar ég var að nálgast gosið með dróna mínum og ég sá eitthvað athugavert.
Ferðamaður lagði leið sína alla leið að brún gígsins sem gýs. Það er ekki bara stórhættulegt að vera þarna heldur þurfti hann líka að fara í gegnum nýstorknaða hraunskorpu langa leið til að komast þangað. Þegar hann byrjaði að ganga til baka sá ég hundruð glóandi rauðra bletta allt í kringum hann. Á einhverjum tímapunkti hrasaði hann og braut jarðskorpulag og datt næstum ofan í það …
Í fyrsta skipti síðan atburðir hófust í desember á þessu svæði var aðgangur ekki leyfður almenningi og í þetta skiptið ákváðu þeir að leyfa fólki að koma og njóta útsýnisins úr öruggri fjarlægð en svona hegðun sýnir að því miður getum við ekki treyst fólki til að haga sér vel.
Ef þú sérð þetta myndband og ert að lesa þetta, vinsamlegast EKKI VERA ÞESSI MANNESKJA!
View this post on Instagram
