Lögreglan í Los Angeles rannsakar nú andlát leikarans Matthew Perry sem lést í heitum potti á heimili sínu eftir að hafa tekið inn lyfið ketamín.

Mun lögregla hafa til skoðunar ónefnda konu sem hélt því fram á þessum tíma að hún væri edrú en var í rauninni „gangandi apótek“ eins og heimildir DailyMail herma.

Konan hefur ekki verið nafngreind en þó er tekið fram að hún sé þekkt í Hollywood. Hún og Matthew Perry voru vinir og stunduðu það að ganga milli lækna til að verða sér úti um ávanalyf. Þau studdu eins við hvort annað þegar þau voru bæði að reyna að losna undan viðjum fíknarinnar.

Áður hafði fyrrverandi eiginkona leikarans Charlie Sheen, Brooke Mueller verið tengd við málið. Hún hefur nú ítrekað verið yfirheyrð vegna málsins en hún og Matthew Perry kynntust í meðferð.