Vísir greindi frá því í gærkvöldi að Porshe-jeppa Patriks, með einkanúmerið PBT, hafi verið lagt í neyðarstæði á meðan tónlistarmaðurinn spilaði á árshátíð Landsbankans í Laugardalshöll á laugardagskvöld.
Patrik neitaði að tjá sig í samtali við fréttastofu Vísis en ákvað að tjá sig stuttlega í Story á Instagram. Hann kenndi vini sínum um atvikið.
Súkkulaðistrákurinn birti skjáskot af fréttinni og skrifaði: „Jesús, Daði Ófeigs að keyra í gær.“
Daði, vinur Patriks, endurbirti færsluna og skrifaði: „So so sorry memmig.“
Vinur hans virðist vera harður stuðningsmaður Patriks. Hann er með sömu forsíðumynd og Patrik, „Því ég held hún sé delulu“ sem vísar í lag á nýrri plötu Patriks.
