Grínistinn Claudia Oshry hefur verið að glíma við óseðjandi hungur síðan hún hætti á Ozempic.

Lyfið er sykursýkislyf en nýtur gífurlegra vinsælda sem megrunarlyf.

Claudia missti um 32 kíló þegar hún var á lyfinu. „Ég hætti á því í nóvember í fyrra og er alltaf svo glorhungruð,“ sagði hún í myndbandi á TikTok.

@girlwithnojob Replying to @Lydia White ♬ original sound – Claudia Oshry

„Ég reyni að borða góðgæti í hollari kantinum, því ég er ennþá að reyna að léttast en vil gera það sjálf. Ég er alltaf að leita að einhverju sem mun gera mig sadda.“ Hún bað fylgjendur sína um hugmyndir að saðsömum máltíðum.

„Ég bara verð ekki södd, það er ómögulegt. Ég var að borða steik og ég er glorhungruð, þannig ég er að fá mér popp.“

Claudia byrjaði á Ozempic í september 2022 en opinberaði það ekki fyrr en í ágúst 2023.

Umdeilt lyf

Novo Nordisk framleiðir bæði Ozempic og Wegovy sem eru vinsæl þyngdarstjórnunarlyf. Tugir einstaklinga hafa höfðað málsókn gegn lyfjarisanum vegna alvarlegra aukaverkana og halda því fram að hann hafi ekki varað þá við hættum lyfsins.

Sjá einnig: Kæra framleiðanda Ozempic vegna aukaverkana – Mun aldrei hafa eðlilegar hægðir aftur

Meðal þeirra er Brea Hand, 23 ára, sem byrjaði að nota Ozempic í maí 2023 og nokkrum vikum seinna byrjaði hún að kljást við aukaverkanir eins og flökurleika, uppköst og hægðatregðu.

Hún leitaði sér aðstoðar fimm sinnum á sjúkrahúsi þar til hún fékk loksins hjálpina sem hún þurfti. Hún var loksins greind með meltingartruflanir og ketónblóðsýring af völdum sykursýki, sem getur verið lífshættulegt. Í síðustu spítalaheimsókninni var hún strax lögð inn. „Þau sögðu að að ef ég hefði beðið í einn dag í viðbót þá hefði ég ekki lifað þetta af,“ sagði Hand, sem lagði fram kæru gegn Novo Nordisk í lok desember í fyrra.

Sjá einnig: Lýtalæknar græða á aukaverkun vinsæla megrunarlyfsins – Þetta er „Ozempic andlitið“

Sjá einnig: Tók stærsta skammtinn af Ozempic í 7 mánuði og þetta gerðist