Samfélagsmiðlastjarnan og áhrifavaldurinn Kristján Einar Sigurbjörnsson, betur þekktur undir nafninu Kleini, hefur tekið þá ákvörðun að hætta á samfélagsmiðlum næstu mánuði og jafnvel í heilt ár.

Hann tilkynnti þetta í færslu á Facebook-síðu sinni fyrr í dag og segist taka þessa ákvörðun til að ná sínum markmiðum:

„Til þess að ná sínum markmiðum og koma sér á þann stað sem manni dreymir um þá má ekkert trufla hugann.“

Kleini segist staðráðinn í að láta drauma sína rætast, sem hann tekur þó ekki fram hverjir eru, og þeir hafi aðeins orðið stærri eftir að hann kynntist unnustu sinni Hafdísi Björg Kristjánsdóttur:

„Ég var með stór plön en svo kynntist ég þér og plönin með þér urðu betri og stærri. Sem sagði mér að ég þyrfti meiri FOCUS! Því draumurinn skal rætast.“

Kleini segir að samfélagsmiðlar taki allt of mikinn tíma frá sér og hjálpi sér ekki að láta drauma sína rætast:

„Social Media tekur frá mér 2-3 klukkustundir á dag, það eru klukkustundir sem ég gæti verið að nýta í að vinna í átt að draumnum. Og það er það sem ég ætla að gera!

Næstu 6 mánuðir til 1 ár fara í 100% harða vinnu og focus og á meðan þeim tíma stendur verð ég ekki á Social Media á neinu tagi.

Núna skrái ég mig út því grind mode er komið í gang“

Hann lýsir því að lokum yfir að þar af leiðandi verði ekki hægt að ná sambandi við hann í gengum samfélagsmiðla á næstunni:

„Það verður ekki hægt að ná á mér, sjáumst.“