Kristján Einar Sigurbjörnsson var tekjuhæstur meðal áhrifavalda í fyrra en þann titil mætti hann líklegast þakka sjómannastarfi sínu en ekki einungis samstarfsaðilum á Instagram. Hlaðvarpsstjórnandinn og kynjafræðingurinn Þorsteinn V. Einarsson fylgir honum fast á eftir og Birgitta Líf Björnsdóttir ekki langt undan.
Við tókum saman tekjur Birgittu Lífar og vinkvenna hennar í LXS-hópnum í gær en athyglisvert var að skemmtistaðadrottningin var með um milljón meira en sumar vinkonur sínar.
Það er ljóst að áhrifavaldastarfið er ekki eins gjöfult og margir halda.
Sjá einnig: Harðnar í ári hjá Línu Birgittu og Gumma Kíró
Kristján Einar, eða Kleini eins og hann kallar sig á samfélagsmiðlum, var tekjuhæsti áhrifavaldurinn í fyrra. Hann hafði ekki aðeins tekjur að hafa úr samfélagsmiðlum heldur mokveiddi hann einnig fisk sem sjómaður.
Kristján var handtekinn á Spáni í mars síðastliðnum fyrir slagsmál á bar og hefur síðan þá setið í gæsluvarðhaldi ytra. Hann var í sambandi með söngkonunni Svölu Björgvinsdóttur frá ágúst 2020 en þau slitu sambandinu í apríl, mánuði eftir handtöku Kristjáns.
Hann var með 1.445.602 kr. í tekjur á mánuði miðað við greitt útsvar 2021.
View this post on Instagram
Camilla Rut hefur lengi verið vinsæll áhrifavaldur með dyggan fylgjendahóp. Hún hefur verið í umfangsmiklu samstarfi við fyrirtæki á borð við L‘Oreal og Beautyklúbbinn.
Camilla stofnaði eigið fatafyrirtæki í fyrra, Camy Collections, og gaf út sína fyrstu fatalínu undir merkinu í mars síðastliðnum. Þetta var þó ekki í fyrsta sinn sem hún hannar föt en hún fór í loftið með fatalínu í samstarfi við Báru Atladóttur, sem á og rekur Brá verslun, í fyrra.
Heimur fegurðar og tísku virðist ekki vera jafn arðbær og margir halda en miðað við greitt útsvar 2021 var Camilla með 300.640 kr. í mánaðarlaun.
View this post on Instagram
Þrifglaði áhrifavaldurinn Sólrún Diego er ein vinsælasta samfélagsmiðlastjarna landsins og hefur haldið þeim titli í þó nokkur ár. Hún hefur skrifað tvær bækur um þrif og skipulag og þar að auki gefið út skipulagsdagbók.
Hún er með rúmlega 45 þúsund fylgjendur á Instagram, auglýsir ýmsar vörur á miðlinum og er reglulega í stærri samstörfum við ýmis fyrirtæki.
Mánaðarlaun hennar árið 2021 miðað við greitt útsvar voru 524.897 kr.
Þórunn Ívars hefur lengi verið á samfélagsmiðlum og er með rúmlega 13 þúsund fylgjendur á Instagram. Hún var áður með hlaðvarpið Þokan ásamt Alexsöndru Bernharð, en göngu þáttanna lauk eftir vinslit og ásakana um andlegt ofbeldi.
Þórunn er eigandi barnavöruverslunarinnar Valhneta, en verslunin starfar einnig sem dreifingaraðili.
Miðað við greitt útsvar 2021 var Þórunn með 602.583 kr. í laun á mánuði.
View this post on Instagram
Eins og fyrr segir stjórnaði Alexsandra hlaðvarpinu Þokan um tíma en sagði skilið við þann kafla í mars síðastliðnum. Hún er markaðs- og viðskiptastjóri veitingastaðarins Hjá Höllu.
Hún á tvö börn og eignaðist yngri son sinn í nóvember 2021.
Mánaðarlaun Alexsöndru voru 158.420 kr. miðað við greitt útsvar 2021.
View this post on Instagram
Kynjafræðingurinn Þorsteinn heldur úti vinsæla hlaðvarpinu Karlmennskan. Hann býður einnig upp á femíníska fræðslu og fyrirlestra.
Hann fylgir fast á eftir Kristjáni Einari varðandi tekjuöflun, eins og áður segir, og er með 1.314.431 kr. í mánaðarlaun miðað við greitt útsvar 2021.
View this post on Instagram
Helgi er enginn nýgræðingur í heimi samfélagsmiðla. Hann er áhrifavaldur, hlaðvarpsstjórnandi, ljósmyndari og bloggari á Trendnet.
Miðað við greitt útsvar 2021 var hann með 461.463 kr. í laun á mánuði.
View this post on Instagram
Sjá einnig: Þetta eru íslensku klámstjörnurnar með í laun
DV mun í samstarfi við Fréttablaðið birta fréttir úr álagningarskrá Ríkisskattstjóra í dag og næstu daga.
