fbpx
Þriðjudagur 18.febrúar 2025
Fókus

Nú steinhættir þú að fara í sturtu á hverjum degi

Fókus
Sunnudaginn 12. september 2021 14:30

Mynd/Getty

Ekki missa af Helstu tíðindum dagsins í pósthólfið þitt

Lesa nánar

Það er algjör óþarfi að fara í sturtu á hverjum einasta degi og þú ert í rauninni frekar að valda húðinni skaða en gera henni gagn með því. Þetta er mat sérfræðings við Columbia-háskóla í Bandaríkjunum, dr. Elaine Larson.

Ef þú ferð í sturtu á hverjum einasta degi –  sumir eiga það til að fara oftar en einu sinni í sturtu á dag – þá eykur það líkurnar á húðþurrki og gerir húðina sömuleiðis móttækilegri fyrir sýkingum. Það segir sig sjálft að sprungin húð opnar leiðina fyrir allskonar bakteríur inn í líkamann.

Elaine er þeirrar skoðunar að það sé algengur misskilningur hjá fólki að það sé að gera mikið gagn með því að fara í sturtu alla daga. Eini ávinningurinn af tíðum sturtuferðum er að þú losnar við svitalykt eða dæmigerða líkamslykt.

Fleiri sérfræðingar eru sammála um þetta og einn þeirra er Dr. C Brandon Mitchell, aðstoðarprófessor í húðlækningum við George Washington University. Hann segir að þegar við förum í sturtu losum við húðina við náttúrulegar olíur sem aftur getur komið ójafnvægi í bakteríuflóruna í og á líkamanum. Sumar bakteríur eru nefnilega gagnlegar og þegar jafnvægi þeirra raskast getur voðin verið vís.

Mitchell segir í samtali við Time: „Líkami okkar er mjög fullkominn, hann er eins og vel smurð vél. Ég held að flestir baði sig allt of oft,“ segir hann. Hann segir að þeir sem kjósa að fara í sturtu á hverjum degi þurfi ekkert endilega að sleppa því, en hann mælir mjög gegn því að nota sápu á allan líkamann í hvert skipti.

Í raun sé nóg að nota hana á svæði sem eiga það til að lykta illa, til dæmis handarkrika og fætur. Þá segir hann að þeir sem eru með mjög þurrt hár þurfi ekki að þvo það nema á nokkurra vikna fresti, en það geti gagnast einstaklingum með vandamál í hársverði, til dæmis flösu, að þvo það tvisvar í viku.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fókus
Fyrir 2 dögum

Júlí og Dísa, Bjarni og Tinna áfram í úrslit Söngvakeppninnar

Júlí og Dísa, Bjarni og Tinna áfram í úrslit Söngvakeppninnar
Fókus
Fyrir 2 dögum

Risabarnið úr Jerry Springer: „Hann virkilega breytti lífi mínu til hins betra“

Risabarnið úr Jerry Springer: „Hann virkilega breytti lífi mínu til hins betra“
Fókus
Fyrir 2 dögum

Hvernig þau halda neistanum gangandi eftir 18 ár: Opið samband eykur spennu og forvitni

Hvernig þau halda neistanum gangandi eftir 18 ár: Opið samband eykur spennu og forvitni
Fókus
Fyrir 3 dögum

Blóði drifinn og óljós uppruni Valentínusardagsins – Hýðingar, heiðingjar og aftökur

Blóði drifinn og óljós uppruni Valentínusardagsins – Hýðingar, heiðingjar og aftökur
Fókus
Fyrir 3 dögum

Voru að fljúga heim frá Íslandi þegar flugmaðurinn sagði farþegum að líta út

Voru að fljúga heim frá Íslandi þegar flugmaðurinn sagði farþegum að líta út
Fókus
Fyrir 4 dögum

Þórhildur: „Ég blanda tantra inn í allt sem ég geri“

Þórhildur: „Ég blanda tantra inn í allt sem ég geri“