Hollenski fataframleiðandinn Suitsupply var að fara í gang með nýja herferð og hefur hún vakið talsverða athygli. Í herferðinni má sjá myndir sem ekki eru alveg í takt við tímann.
Covid-19 faraldurinn hefur verið í gangi í heilt ár og finnst okkur það vera mjög skrítið að sjá mannamergð í bíómyndum, hvað þá fólk í faðmlögum að kyssast eins og í auglýsingum Suitsupply.
View this post on Instagram
Myndirnar eru nokkuð klámfengnar og brjóta líklegast einhver sóttvarnarlög. Ummælin við myndirnar eru nokkuð mismunandi, sumir segja „hræðileg markaðssetning“ og „hvernig selur þetta jakkaföt“ á meðan aðrir segja „ykkur tókst það aftur, enn þá frábær!“ og „elska þetta“.
Auglýsingaherferðirnar á undan þessari hafa verið nokkuð eðlilegar miðað við Instagram-síðu fyrirtækisins, en þar má sjá menn í jakkafötum við hvítan bakgrunn.
Spurning hvort þessi jakkafata-orgýa nái að selja eitthvað en ljóst er að fyrirtækinu hefur tekist að vekja athygli á sér með þessum myndum.
