CrossFit-stjarnan og einkaþjálfarinn Edda Falak lætur engan segja sér hvað hún má og hvað hún má ekki gera við sinn líkama.
Edda nýtur mikilla vinsælda á Instagram og er með tæplega 25 þúsund fylgjendur. Hún deilir alls kyns efni á miðlinum, allt frá lyftingarmyndböndum til djarfra mynda.
View this post on Instagram
Nýjasta nærfatamynd Eddu, sem má sjá hér að ofan, virðist hins vegar hafa farið fyrir brjóstið á einum fylgjanda hennar sem fann sig knúinn að senda henni skilaboð. Edda vakti athygli á skilaboðunum á Instagram og mætti segja að hún hafi komið af stað lítilli samfélagsmiðlabyltingu í leiðinni. Hún hvatti aðrar konur til að deila djörfum myndum af sér og gefa þessari hugmynd; að það sé ekki viðeigandi fyrir konur að deila svona myndum, puttann í leiðinni.
„Áttu ekki kærasta? Nei frekar áttu ekki foreldra? Það er fullt af fólki að fylgjast með þér og þú tekur enga ábyrgt sem opinber persóna. Þvílíka ruglið,“ voru skilaboðin sem Edda fékk.
„Vávává! Ég er í áfalli hér. Ég deili mínum myndum hvort sem ég á kærasta eða ekki – þú þarft ekki leyfi frá neinum til þess að pósta fallegri mynd af þér. Ég færi aldrei í samband með neinum sem myndi ekki styðja mig í einu og öllu. Ef þú ert í sambandi með einhverjum sem segir þér að myndin sem þú póstaðir sé „of mikið“ þá mæli ég með að senda viðkomandi á Dale Carnagie námskeið eða finna þér einhvern annan sem gerir ekki lítið úr þér,“ segir Edda um skilaboðin.
„Annað í þessu. Farðu varlega þegar þú talar um fjölskyldur annarra. Þessi mynd hefur ekkert með foreldra mína að gera, ég á ekki tvo foreldra eins og margir og þess vegna fóru þessi skilaboð fyrir brjóstið á mér.“
View this post on Instagram
Svo sagði Edda það sem henni þykir mikilvægast í þessu öllu saman. „Þú deildir mynd af þér, þú elskar hana, og hún kveikir í fólki. Af hverju er það eitthvað til að skammast sín fyrir? You should flatter yourself and do what makes YOU feel sexy. Ég nýt þeirra forréttinda að mér er alveg sama hver sér mig. Ég hvet alla sem eru hjá mér í þjálfun og þá sem ég þekki að taka „naked“ selfie í stöðu þar sem þú upplifir þig SEXY! Ég fæ reglulega skilaboð frá stelpum sem segja að þeim „langar svo að deila þessari mynd en mér finnst hún sýna svo mikið.“ Kallaðu þetta „thirst trap“ eða kallaðu þetta „need for external validation.“ Taktu bara þessu opnum örmum og gerðu það sem þig langar ef það valdeflir þig (e. empowered).“
Edda hvatti aðrar konur til að taka kynþokkafullar myndir af sér og „tagga“ hana. Það er greinilegt að skilaboð Eddu eigi mikinn hljómgrunn meðal íslenskra kvenna.
Viðbrögðin létu ekki á sér standa og hefur hún endurbirt hátt í níutíu kynþokkafullar myndir frá öðrum konum í Story á Instagram.
Hér að neðan má sjá nokkrar færslur.
View this post on Instagram
View this post on Instagram
View this post on Instagram
View this post on Instagram
DV náði ekki í Eddu Falak við vinnslu greinarinnar.
