Söngkonan Jesy Nelson, meðlimur hljómsveitarinnar Little Mix, opnar sig um vaxtarlag sitt. Hún deilir mynd á Instagram og segir að hún líti ekki svona út núna. Undanfarnar vikur hefur hún bætt á sig rúmlega sex kílóum.
Myndin er frá því að hún var að taka upp nýtt tónlistarmyndband með Little Mix fyrir lagið Holiday.
„Bara svo þið vitið þá lít ég alls ekki svona út núna. Síðan við tókum upp myndbandið hef ég þyngst um sex kíló því ég hef borðað allt sem mig lystir og notið lífsins í botn,“ segir Jesy.
https://www.instagram.com/p/CEaBVe1HlwW/
„Fyrir ykkur sem eruð að kljást við erfiðar hugsanir varðandi líkama ykkar, þá vil ég að þið vitið af mér hérna með litlu bumbuna mína og þybbnu kinnar. Munið að við erum öll mennsk og við eigum okkar góðu daga þar sem okkur líður vel með okkur sjálf, og okkar slæmu daga þar sem okkur líður ömurlega. Þið eruð öll falleg á eigin hátt,“ segir hún.
Jesy deildi síðan nýrri mynd af sér með færslunni sem sýnir breytingarnar á líkama hennar.
Fylgjendur hennar tóku færslunni fagnandi og hafa rúmlega 500 þúsund manns líkað við hana.
Þú getur horft á nýja tónlistarmyndband Little Mix hér að neðan.
