Sjónvarpsstjarnan og handritahöfundurinn Björg Magnúsdóttir er komin í samband með Tryggva Þór Hilmarssyni auglýsingahönnuði hjá Aton JL. Tryggvi Þór þykir einn af betri grafíkerum landsins og er mikill áhugamaður um fluguveiðar en Björg sást einnig út í á, í sumar svo ekki er ólíklegt er að sumarást hafi kviknað.
Tryggva er lýst sem „lekkerum og ljúfum“ og Björg þykir afspyrnu skemmtileg og hugmyndarík svo hér er komið efnilegt listapar sem mun láta að sér kveða í framtíðinni.
Björg hefur gert garðinn frægan fyrst sem fréttakona og nú í sjónvarpsþáttunum Kappsmál á RÚV, á Rás 2 á laugardagsmorgnum með Gísla Marteini Baldurssyni og sem einn af handritshöfundum Ráðherrans. Björg er því án efa einn mesti kvenkostur landsins, harðdugleg, hugguleg og hrikalega skemmtileg. Piparsveinar landsins gráta án efa í koddann í kvöld.
