Svona hefst pistill sem Anna Claessen, framkvæmdastjóri Dans og kúltúr, skrifar en pistillinn birtist á Vísi í dag. Í pistlinum fjallar Anna um það þegar hún spjallar við mann sem hún er að reyna við. Hún segist hafa spurt hann hvort hann vilji hitta hana í vikunni og að maðurinn sagt „kannski“ við því. „Vá hvað honum „langar“ að hitta mann. Bara ef það er ekkert annað að gera, ef aðrir nenna ekki, auka vinna. Yoda sagði það best „Do or do not… there is no TRY“. Hversu lengi ætti maður að bíða með líf sitt eftir svari frá þessum einstaklingi?“
Anna segist hafa farið á aðra samfélagsmiðla mannsins eftir þetta svar hans. Þar hafi hún grandskoðað alla sem hann talar við. „Hugurinn fer að hugsa að hann sé með annarri, sem setur love á statusinn hans. Hver er hún? Býrð til sögur um hana og þau saman. VITLEYSAN! OMG HÆTTU!“ skrifar hún. „En hætti ég? NEIBB. Leita annað en finn alltaf ástæðu til að hafa aftur samband. Eitthvað fyndið gif eða lag sem minnir mig á hann. Þá fæ ég smá spjall. Smá tengingu. En svo ekkert!“
Þá skrifar Anna áfram og talar um að gleyma honum og sjá hvað hann gerir. „DAMN IT! Gleymdu honum! Ok! Ekkert svara honum í nokkra daga. Sjáðu hvort hann hefur samband. Hvað heldur þú? NEIBB! Honum er alveg sama um þig! Af hverju viltu hann? Eins og lítill krakki svarar heilinn „því mig langar“ Af hverju langar manni alltaf í það sem maður fær ekki? Af hverju eyðir maður ekki frekar tímanum í þá sem hafa áhuga á manni?“ spyr Anna og veltir því fyrir sér hvort að um sjálfspyntingu sé að ræða.
„Pældu í því hvað mikið annað maður gæti gert við allan þennan tíma sem fer í þessa ástarfíkn. Þessa þráhyggju. Hvað þarf til að stoppa hana? Hvað er hún virkilega um? Er hún um þennan strák eða er það þörf að vera elskuð? Þörf að tilheyra? Þörf á oxytocin (hamingjuhormóni)? Hver er rótin? Er þetta um strákinn eða er þetta um þig og þína fortíð? Þig og þín mörk? Ertu reið út í hann eða þig að vera enn í þessum leik?“
Að lokum botnar Anna pistilinn með því að segja að það sé í sjálfu sér svar þegar fólk svarar ekki. „Þú ert bara ekki að sætta þig við það! Hvað ætlar þú að gera í því?“
