Fanndís Friðriksdóttir frumsýnir í dag nýjan kærasta á samfélagsmiðlum, um er að ræða knattspyrnukappann Eyjólf Héðinsson. Eyjólfur er fyrrum landsliðsmaður í knattspyrnu og leikur í dag með Stjörnunni. Fanndís er lykilmaður í kvennalandsliðinu og leikur með Íslandsmeisturum Vals.
Fanndís átti áður í ástarsambandi við Alexander Freyr Sindrason, leikmann Hauka sem lék með HK í sumar.
Þetta nýja var saman í brúðkaupi á Mývatni um helgina, þar var Baldur Sigurðsson liðsfélagi Eyjólfs að ganga í það heilaga með Pálu Marie Einarsdóttir, fyrrum knattspyrnukonu. ,,Frábær helgi að baki #frumsýning,“ skrifar Fanndís á Instagram og ljómar af ást með Eyjólfi.
Fanndís hefur leikið 106 A-landsleiki fyrir Ísland en Eyjólfur lék 5 leiki á sínum landsliðsferli.
Bæði hafa þau verið í atvinnumennsku í fótbolta en njóta nú ástarinnar hér á Íslandi. Eyjólfur er fæddur árið 1985 og er fimm árum eldri en Fanndís. Mynd af þessu nýja pari er hér að neðan.
