fbpx
Laugardagur 21.september 2019  |

DV - Frjáls og óháður miðill

Fókus

Vissir þú þetta? Börn frægu leikaranna sem leika í Ófærð

Björn Þorfinnsson
Föstudaginn 11. janúar 2019 21:30

Ekki missa af Helstu tíðindum dagsins í pósthólfið þitt

Lesa nánar

Önnur þáttaröð Ófærðar hefur haldið Íslendingum í heljargreipum undanfarin sunnudagskvöld. Eins og áður sýnist sitt hverjum um gæði þáttanna, sérstaklega handritsgerð og hljóðvinnslu, en allir eru greinilega að horfa. Á ritstjórn DV er helst kvartað yfir því að þættirnir séu ekki settir allir í einu á netið svo hægt sé að hámhorfa í anda Netflix.

Margir af þekktustu leikurum þjóðarinnar, eins og Ólafur Darri Ólafsson, Ingvar E. Sigurðsson, Jóhanna Vigdís Arnardóttir og Ilmur Kristjánsdóttir, láta ljós sitt skína í þáttunum. Þá vekur athygli að fjölmörg „leikarabörn“ eru í burðarhlutverkum þáttaraðarinnar og ekki síst ættbogi leikstjórans sjálfs, Baltasars Kormáks. Þrjú barna hans fara með stór hlutverk í þáttunum.

Þrjú barna Baltasar Kormáks láta ljós sitt skína í Ófærð 2

Stormur Jón Kormákur Baltasarsson fer með hlutverk Arons Finnssonar og gerir það vel eins og hann á kyn til. Stormur Jón er aðeins 16 ára gamall en hann er sonur Baltasars Kormáks og Lilju Pálmadóttur. Hann er ekki alveg ókunnugur linsunni en Stormur Jón hefur tekið að sér smærri hlutverk í öðrum verkum föður síns, stórmyndinni Everest og Reykjavík-Rotterdam.

Stormur Jón Kormákur fer með mikilvægt hlutverk í Ófærð 2

Baltasar Breki Samper fer með hlutverk Hjartar Stefánssonar öðru sinni. Persóna Hjartar gegndi veigamiklu hlutverki í fyrstu seríunni en er, að minnsta kosti enn sem komið er, í bakgrunni í þeirri nýjustu. Baltasar Breki er sonur Baltasars Kormáks og Ástrósar Gunnarsdóttur. Hann útskrifaðist sem leikari úr Listaháskóla Íslands árið 2015 og hefur síðan verið fastráðinn leikari hjá Þjóðleikhúsinu.

Baltasar Breki Samper bregður sér á ný í gervi Hjartar Stefánssonar

Sóllilja Baltasarsdóttir fer með hlutverk Karólínu í Ófærð 2. Hlutverkið er ekki veigamikið en Karólína er björgunarsveitarkona sem sem tekur þátt í leit að grunuðum einstaklingi. Sóllilja, sem heitir fullu nafni Ingibjörg Sóllilja, er dóttir Baltasars og Dísu Anderiman. Hún hefur ekki látið mikið fyrir sér fara fyrir framan myndavélina hingað til en listræn er hún því hún hefur meðal annars getið sér gott orð sem ljósmyndari.

Sóllilja Baltasarsdóttir sem björgunarsveitarkonan Karólína

Sigurbjartur Sturla Atlason fer með hlutverk fúlmennisins Skúla Ketilssonar. Sigurbjartur er sonur Atla Rafns Sigurðssonar leikara. Sigurbjartur útskrifaðist sem leikari frá LHÍ fyrir tæpu ári og lék meðal annars veigamikið hlutverk í stórmyndinni Lof mér að falla eftir Baldvin Z. Hann hefur þó ekki síður getið sér gott orð sem tónlistarmaður undir listamannsnafninu Sturla Atlas.

Atli Rafn Sigurðsson
Sigurbjartur Sturla Atlason leikur Skúla Ketilsson í Ófærð 2

Arnmundur Ernst Backman Björnsson fer með hlutverk Stefáns. Arnmundur átti aldrei séns á öðru en að verða leikari en hann er sonur leikaranna Björns Inga Hilmarssonar og Eddu Heiðrúnar Backman heitinnar. Þess má geta að faðir hans, Björn Ingi, fer með hlutverk bóndans Sturlu í þáttunum. Arnmundur útskrifaðist sem leikari frá LHÍ árið 2013 og hefur síðan tekið að sér fjölbreytt verkefni á sviði og hvíta tjaldinu.

Arnmundur Ernst Backman Björnsson í hlutverki sínu
Björn Ingi Hilmarsson leikur í Ófærð 2 ásamt syni sínum
Edda Heiðrún Backman

Það er kannski full langt seilst að flokka Sólveigu Arnarsdóttur, hina reyndu leikkonu, sem leikarabarn en hún er það nú samt! Sólveig, sem fer með hlutverk iðnaðarráðherrans Höllu, er dóttir stórleikarans Arnars Jónssonar og leikarans og ekki síður leikstjórans Þórhildar Þorleifsdóttur. Það myndi æra óstöðugan að reyna að telja upp öll þau verk sem Sólveig hefur komið að á sínum ferli.

Þórhildur Þorleifsdóttir
Arnar Jónsson
Sólveig Arnarsdóttir sem Halla

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Logi skilinn

Ekki missa af

Fókus
Í gær

Margir minnast Nonnabita: „Átti ekki séns“

Margir minnast Nonnabita: „Átti ekki séns“
Fókus
Fyrir 2 dögum

Snarpur en skrautlegur glæpaferill Jóns Jónssonar – Búðarhnupl og ofsaakstur

Snarpur en skrautlegur glæpaferill Jóns Jónssonar – Búðarhnupl og ofsaakstur
Fókus
Fyrir 3 dögum

Haturssíða stofnuð í nafni dóttur Guðmundu: „Hjartað mitt er gjörsamlega í molum”

Haturssíða stofnuð í nafni dóttur Guðmundu: „Hjartað mitt er gjörsamlega í molum”
Fókus
Fyrir 3 dögum

Reykjavíkurdætur hakka Önnu Svövu í sig: „Komin í eitthvað grínþrot“

Reykjavíkurdætur hakka Önnu Svövu í sig: „Komin í eitthvað grínþrot“
Fókus
Fyrir 4 dögum

Haukur á von á tvíburum: „Nýorðinn miðaldra, of þungur og að verða gráhærður“

Haukur á von á tvíburum: „Nýorðinn miðaldra, of þungur og að verða gráhærður“
Fókus
Fyrir 4 dögum

Guardian velur bestu bíómyndir 21. aldarinnar – Ertu sammála þessum lista?

Guardian velur bestu bíómyndir 21. aldarinnar – Ertu sammála þessum lista?