Áhrifavaldurinn Sunneva Einarsdóttir ákvað að leiðrétta misskilning í sögu sinni á Instagram fyrir stuttu, en einhverjir höfðu haft samband við stjörnuna og spurt hana hvort hún væri lesbía.

Sunneva segir svo ekki vera en birtir skjáskot úr stefnumótaforritinu HER, þar sem einhver óprúttinn aðili notar mynd af Sunnevu, segist heita Anna og sé 23ja ára gömul lesbía sem sé á lausu. HER er einmitt stefnumótaforrit fyrir hinsegin konur.

Sunneva segir í sögu sinni að það sé leikur einn að sjá að um svik sé að ræða þar sem Anna er sögð vera 165 sentímetra há. Það er Sunneva ekki, heldur nokkrum sentímetrum betri og er yfir 170 sentímetrunum.

Sunneva biðlar til aðdáenda sinna að tilkynna þessi svik til forsvarsmanna HER, sem virðist hafa virkað þar sem Anna er hvergi sjáanleg inni á stefnumótaforritinu lengur.