fbpx
Miðvikudagur 23.október 2019  |

DV - Frjáls og óháður miðill

Fókus

Sigmar er pirraður: „Þetta eru bara asnar. Segi það bara þannig. Þetta eru asnar“

Ari Brynjólfsson
Þriðjudaginn 8. janúar 2019 09:55

Sigmar Guðmundsson. Samsett mynd.

Ekki missa af Helstu tíðindum dagsins í pósthólfið þitt

Lesa nánar

Sigmar Guðmundsson, þáttastjórnandi Morgunútvarpsins á Rás 2, er ekki sáttur við þá sem skjóta upp flugeldum eftir miðnætti á virkum dögum, sagði hann í þættinum í morgun að þeir sem gerðu slíkt væru „asnar“. Leyndi sér það ekki að hann er pirraður. Gestur þáttarins var Sævar Helgi Bragason, best þekktur sem Stjörnu-Sævar, sem hefur talað mikið gegn flugeldum. Þó að umræðuefnið hafi átt að vera um sólkerfið vildi Sigmar aðeins beina sjónum sínum fyrst að flugeldum:

„Þér er umhugað um mengunina, svo erum við sem hugsum kannski um aðra hluti. Fínt að koma þeim skilaboðum áleiðis til fólks sem er að skjóta upp flugeldum, kannski eftir miðnætti á sunnudagskvöldi, þegar fólk á að mæta í vinnuna á mánudagsmorgni,“ sagði Sigmar. Sævar greip þessi orð á lofti og sagði: „Fólk sem gerir það á að skammast sín.“

Sigmar andvarpaði og bætti við: „Nei bara, þetta eru bara asnar. Segi það bara þannig. Þetta eru asnar.“

Samkvæmt reglugerð segir að almenn notkun skotelda sé leyfð frá 28. desember til 6. janúar, er meðferð þeirra þó alltaf bönnuð frá kl. 22 til kl. 10 daginn eftir að undanskilinni nýársnótt.

„Við mætum ekki með rafmagnsgítarinn í garð hjá fólki á einhverju virku kvöldi og förum að spila og blasta. Eða spila á trommur!,“ sagði Sigmar og uppskar hlátur í hljóðverinu. „Nei í alvöru. Af hverju erum við með svona mikið umburðarlyndi gagnvart þessu? Þetta á sinn stað og sína stund. En á næturnar, þegar fólk er sofandi á virku kvöldi. Þú veist, hættið þessu! Þetta er ekkert öðruvísi en að gera dyraat hjá fólki eða lemja í bílinn þeirra. Þetta er bara hávaðamengun.“

Hulda Geirsdóttir, annar þáttastjórnandi, bætti við og sagði: „Svo er fólk að skjóta upp í björtu. Það er ekki hægt að fara á hestbak í 10 daga!“

Sævar Helgi var að vonum ánægður: „Þetta hljómar eins og tónlist í mínum eyrum.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fókus
Fyrir 2 dögum

Íslensk auglýsing vekur athygli: „Þetta drap eitthvað inn í mér“

Íslensk auglýsing vekur athygli: „Þetta drap eitthvað inn í mér“
Fókus
Fyrir 2 dögum

Ritdómur um Tími til að tengja: Köflóttar jólasögur

Ritdómur um Tími til að tengja: Köflóttar jólasögur
Fókus
Fyrir 4 dögum

Spurning vikunnar: Hver er besta bók sem þú hefur lesið?

Spurning vikunnar: Hver er besta bók sem þú hefur lesið?
Fókus
Fyrir 5 dögum

Steindi segir frá hinum fullkomna símahrekk: „Fólki finnst þetta náttúrulega bara geggjað“

Steindi segir frá hinum fullkomna símahrekk: „Fólki finnst þetta náttúrulega bara geggjað“