Fram að jólum ætlum við að gefa heppnum lesanda og vini hans skemmtilegar gjafir. Við mælum því með að þið fylgist vel með hér á vefnum fram að jólum.

Í dag 5. desember ætlum við að gefa bækur frá Forlaginu.

Það eru bækurnar Svik eftir Lilju Sigurðardóttur og Hasim eftir Þóru Kristínu Ásgeirsdóttur.

Svik: Lilja Sigurðardóttir hefur slegið í gegn með spennusögum sínum og þríleikurinn Gildran, Netið og Búrið kemur um þessar mundir út víða um lönd. Gildran var nýlega tilnefnd til breska Gullrýtingsins sem eru ein virtustu glæpasagnaverðlaun heims.

Úrsúla er nýlega flutt til Íslands eftir áralöng störf á hættusvæðum heimsins. Rólegt hversdagslífið í Reykjavík hentar henni engan veginn, svo að hún grípur fegins hendi óvænt boð um að taka sæti í ríkisstjórn landsins: þar getur hún aftur látið til sín taka!

En stjórnmálin eru refskák og fjölmiðlar vaka yfir hverju fótmáli nýja ráðherrans. Við bætist að gamall útigangsmaður eltir hana á röndum og virðist vilja vara hana við yfirvofandi hættu. Getur verið að hann búi yfir vitneskju sem ógnar einhverjum í innsta hring? Svik er hröð og hörkuspennandi saga um völd og valdaleysi, ofbeldi og þöggun; um að bregðast trausti og svíkja gefin loforð.

Hasim: Þóra Kristín Ásgeirsdóttir, höfundur bókarinnar, er löngu þjóðkunn fyrir skrif sín og störf við sjónvarp og útvarp. Hún nálgast viðfangsefnið af fágætu næmi og samúð með aðalsöguhetjunni og þeim sem reyndu að hjálpa en gáfust upp.

Sex ára indverskur strákur er settur aleinn upp í lest og endar sólarhring síðar í stórborg þar sem enginn tekur á móti honum og fólk talar framandi tungumál. Næstu árin er hann umkomulaus og einn í heiminum. Sumir eru honum góðir en hann verður líka fyrir ofbeldi og misnotkun.

Svo er hann sendur yfir hálfan hnöttinn, úr hitanum og mannþrönginni í Kalkútta í snjóinn og fámennið í Þorlákshöfn; úr örbirgð í allsnægtir. Allt í einu á hann foreldra og systkini – en enginn skilur hann og hann skilur engan. Og að ári liðnu er hann aftur einn. Beiskur, sár, ráðvilltur og rótlaus. Rændur tungumáli sínu og menningu. Hann fer til Indlands að leita að fjölskyldu sinni – og finnur hana en ekki svörin sem hann leitaði að.

Hasim Ægir Khan á sér ótrúlega sögu – sögu af hrakningum, höfnun, baráttuvilja og dug. Hann hefði getað endað á ruslahaugunum að eigin sögn en vann þess í stað að lokum í fjölskyldulottóinu. Stundum fara þó afturgöngurnar í höfðinu á stjá og sárin svíða.

Við drögum út einn vinningshafa á morgun, sem fær aðra bókina fyrir sig og hina fyrir þann sem hann taggar.
Það er því snilld að skrifa athugasemd og tagga síðan vinkonu, vin, maka, barn, vinnufélaga eða annan sem þú vilt gleðja með góðri bók.

Þú mátt tagga eins marga og þú vilt, en aðeins einn í hverja athugasemd. Athugið að báðir þurfa að líka við Facebook-síðu Fókus til að eiga möguleika á vinningnum.

Lesa má nánar um Forlagið á heimasíðu þess.

Það eina sem þú þarft að gera til þess að taka þátt í jóladagatalinu okkar í dag er að:
1) Líka við Fókus á Facebook.
2) Líka við Forlagið á Facebook.
3) Skrifa kveðju til okkar í athugasemdakerfinu á Facebook og tagga einn vin sem þú vilt að njóti með þér.

Við drögum á morgun og uppfærum þá þessa frétt með nafni vinningshafa.

Fylgstu með Forlaginu á heimasíðu þeirra, Facebook og Instagram.

Uppfært: Vinningshafi 5. desember er