fbpx
Fimmtudagur 23.maí 2019

DV - Frjáls og óháður miðill

Fókus

Hátt í 1000 manns komu fram á vel heppnaðri Listahátíð í Reykjavík í sumar

Ragna Gestsdóttir
Mánudaginn 12. nóvember 2018 13:30

Saurus á opnunarhátíð Listahátíðar 2. júní 2018 Credit Leifur Wilberg

Ekki missa af Helstu tíðindum dagsins í pósthólfið þitt

Lesa nánar

Varlega áætlað sóttu yfir 35 þúsund manns viðburði Listahátíðar í Reykjavík í sumar þó veðurguðirnir hafi svo sannarlega ekki leikið við borgarbúa. Viðburðir fóru fram á 48 stöðum vítt og breitt um borgina og víðar um landið.

Fulltrúaráð, stjórn og stjórnendur Listahátíðar í Reykjavík 7.nóv 2018 Credit Laimonas Dom

Ársfundur fulltrúaráðs Listahátíðar í Reykjavík var haldinn í Höfða þriðjudaginn 7. nóvember 2018. Í ráðinu sitja fulltrúar allra helstu menningarstofnana og -samtaka landsins og það eru til skiptis borgarstjóri og mennta- og menningarmálaráðherra sem veita því formennsku.  Á fundinum kynntu stjórnendur útkomu hátíðarinnar í ár sem er afar jákvæð bæði hvað varðar gestafjölda, miðasölu og rekstrarafkomu, segir í tilkynningu.

Saurus á opnunarhátíð Listahátíðar 2. júní 2018 Credit Leifur Wilberg

Hátíðinni var breytt aftur í tvíæring fyrir tveimur árum án þess að árlegt framlag ríkis og borgar til hennar væri skert. Sú breyting, auk markvissrar stefnumótunar á síðasta ári og eftirfylgni hennar, hefur skilað sér í sterkari hátíð. Eiginfjárstaða er nú jákvæð og rekstrargrundvöllur tryggður.

Transhumance 9. júní 2018 Credit Leifur Wilberg

Vigdís Jakobsdóttir listrænn stjórnandi Listahátíðar segir að stefnumótunin, sem unnin var í samstarfi við breiðan hóp í íslensku menningarlífi hafi verið sterkur grunnur að standa á við skipulag hennar fyrstu hátíðar.

R1918 10. júní 2018 Credit Lefur Wilberg

„Allt skipulag hátíðarinnar í ár miðaðist við að ná til fjölbreytts hóps áhorfenda, sem er í raun kjarni stefnunnar okkar. Vegleg fjölskyldudagskrá, úrval ókeypis viðburða, endurvakning Klúbbs Listahátíðar, viðburðir í úthverfum borgarinnar og samvinna við aðila eins og Rauða krossinn og Félag heyrnarlausra eru dæmi um það sem við gerðum til þess að teygja okkur út til nýrra áhorfendahópa.  Ég er afar þakklát fyrir góð viðbrögð við þessum aðgerðum okkar, sem sköpuðu mörg af eftirminnilegustu augnablikum hátíðarinnar.“

Transhumance 9. júní 2018 Credit Leifur Wilberg

Ný stjórn

Ný stjórn Listahátíðar til næstu tveggja ára tók við á fundinum en hana skipa Þórunn Sigurðardóttir formaður (skipuð af mennta- og menningarmálaráðherra), Margrét M. Norðdahl (skipuð af borgarstjóra) og Tryggvi M. Baldvinsson (kjörinn af fulltrúaráði).

Fjölmenni á opnun Listahátíðar í Listasafni Reykjavíkur 2. júní Credit Leifur Wilberg

Listahátíð 50 ára 2020

Næsta Listahátíð fer fram í júní 2020 en á því ári fagnar Listahátíð einnig 50 ára afmæli sínu. Undirbúningur fyrir þá hátíð er þegar kominn vel á veg.

 

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fókus
Fyrir 3 dögum

„Við vorum ekki búnir undir frægðina“

„Við vorum ekki búnir undir frægðina“
Fókus
Fyrir 3 dögum

Katrín Edda gekk fram á Karl Bretaprins í London: „Með eyrun og allt saman“

Katrín Edda gekk fram á Karl Bretaprins í London: „Með eyrun og allt saman“
Fókus
Fyrir 3 dögum

„Ég varð mjög fegin þegar ég sá nýjan dag byrja“

„Ég varð mjög fegin þegar ég sá nýjan dag byrja“
Fókus
Fyrir 4 dögum

Skagfirskur galdramaður

Skagfirskur galdramaður