Leikkonan Gwyneth Paltrow og framleiðandinn Brad Falchuk giftu sig á heimili Paltrow í New York þann 29. september. Á meðal gesta voru leikkonan Cameron Diaz, sem sá um skipulagningu á gæsapartýinu í Mexíkó, ásamt eiginmanni hennar Benji Madden. Þáttastjórnandinn Jerry Seinfeld, sem sá um æfingakvöldverðinn, leikstjórinn og framleiðandinn Steven Spielberg, leikarinn Rob Lowe, leikkonan Blythe Danner, móðir Paltrow og Iron Man sjálfur, leikarinn Robert Downey Jr.
Hjónin kynntust þegar Paltrow var gestaleikkona í sjónvarpsþáttunum Glee, en Falcuk var meðframleiðandi þeirra. Þau byrjuðu að deita 2014, og opinberuðu trúlofun sína í janúar á þessu ári.
Paltrow á tvo börn úr fyrra hjónabandi með Chris Martin söngvara hljómsveitarinar Coldplay, dótturina Apple 13 ára og soninn Moses 11 ára. Þau skildu árið 2014 eftir tíu ára hjónaband. Falcuk á tvö börn úr fyrra hjónabandi með Suzanne Bukinik.
Myndir úr brúðkaupinu má sjá á síðu Paltrow, The Goop, og á Instagram undir myllumerkinu #TheFaltrows.
Æfingakvöldverður var á föstudagskvöldi og sá argentíski kokkurinn Francis Mallmann um hann, en hann flaug frá Santiago í Chile. Borðhald fór fram undir berum himni.
Á laugardag var síðan stóri dagurinn. Brúðarkjóll Paltrow er frá Valentino og dæturnar klæddust kjólum frá Monique Lhuillier. Brúðguminn og synirnir klæddust Tom Ford.
Fyrsta stefnumót hjónanna var á einum veitingastaða Mario Carbone. Það kom því enginn annar til greina til að sjá um matinn í brúðkaupsveislunni.
Áður en dansinn hófst fór Paltrow og skipti brúðarkjólnum út fyrir Stellu McCartney.
