fbpx
Þriðjudagur 18.júní 2024
EyjanFastir pennar

Svarthöfði skrifar: Tapað – fundið … í naflanum

Svarthöfði
Þriðjudaginn 4. júní 2024 15:00

Ekki missa af Helstu tíðindum dagsins í pósthólfið þitt

Lesa nánar

Svarthöfði las fréttir af færslu nýráðins starfsmanns þingflokks Vinstri-grænna. Sá kom nýlega til starfa hjá örflokknum eftir að hafa yfirgefið hlýjan faðm Ríkisútvarpsins. Ekki ber á öðru en að starfsmanninum líki ekki nýja vistin enda bendir hann á að fylgi vinnuveitandans sé nær horfið og mælist nú varla ef marka má nýjan Þjóðarpúls Gallups.

Það er auðvitað bagalegt. Ekki síst þegar maður er nýkominn til starfa og þarf á því að halda að ekki sé uppnám í tilvist vinnuveitandans.

Í pistlinum bendir starfsmaðurinn á að allt sé þetta samstarfinu við Sjálfstæðisflokkinn að kenna. Segir þar: „Þessu ríkisstjórnarsamstarfi hafa fylgt alls konar mis-kræsilegar málamiðlanir, varnir og yfirlýsingar vegna hinna og þessa mála. Og þau hafa alveg verið nokkur, málin, síðustu sex ár: Landsréttur, brottvísanir, Ásmundarsalur, dómsmál, þyrluferð, lögregluofbeldi, Samherji, bankasala og svo mætti lengi telja“.

Satt er það hjá starfsmanninum að upptalningin er ekki upplífgandi og notalegt að þurfa ekki að líta í eigin barm Vinstri-grænna – enda spretta þar blóm við hvert fótmál. Nægir að nefna hvalveiðar og orkuöflun landsins í því sambandi.

Í dagblöðum fortíðarinnar var vinsæll dálkur meðal smáauglýsinga sem nefndist „tapað-fundið“. Jafnan var þar auglýst eftir því sem tapast hafði, en ekki því sem hafði fundist.

Kannski væri rétt að endurvekja þann dálk. Hver veit nema tapað fylgi örflokksins finnist þar á ný.

Viðbrögð formanns Vinstri-grænna í hádegisfréttum Ríkisútvarpsins við hvarfi fylgisins voru að nú þyrfti að fara í naflaskoðun.

Svarthöfði telur að sjaldan finnist í naflanum það sem leitað er að.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Pennar

Mest lesið

Nýlegt

EyjanFastir pennar
Fyrir 1 viku

Svarthöfði skrifar: Tvö skref til hægri og vinstri snú – list hins ómögulega

Svarthöfði skrifar: Tvö skref til hægri og vinstri snú – list hins ómögulega
EyjanFastir pennar
Fyrir 2 vikum

Björn Jón skrifar: Afgerandi úrslit forsetakjörs

Björn Jón skrifar: Afgerandi úrslit forsetakjörs
EyjanFastir pennar
Fyrir 3 vikum

Svarthöfði skrifar: Skítabombur þá og nú

Svarthöfði skrifar: Skítabombur þá og nú
EyjanFastir pennar
Fyrir 3 vikum

Björn Jón skrifar: Endurvekja þarf samræmd próf

Björn Jón skrifar: Endurvekja þarf samræmd próf
EyjanFastir pennar
18.05.2024

Sigmundur Ernir skrifar: Byggðabót sem bragur er að

Sigmundur Ernir skrifar: Byggðabót sem bragur er að
EyjanFastir pennar
18.05.2024

Óttar Guðmundsson skrifar: Tölvulæknar

Óttar Guðmundsson skrifar: Tölvulæknar
EyjanFastir pennar
09.05.2024

Jón Sigurður skrifar: Ung, gröð og rík í flutningi Svedda tannar

Jón Sigurður skrifar: Ung, gröð og rík í flutningi Svedda tannar
EyjanFastir pennar
09.05.2024

Þorsteinn Pálsson skrifar: Nú þarf hægri hagstjórn og vinstri velferð

Þorsteinn Pálsson skrifar: Nú þarf hægri hagstjórn og vinstri velferð