fbpx
Þriðjudagur 28.maí 2024
Eyjan

Inga Sæland herská – Kallar eftir stuðningi á þingpöllunum

Ritstjórn Eyjunnar
Þriðjudaginn 16. apríl 2024 16:00

Inga Sæland. Myndin tengist fréttinni ekki beint.

Ekki missa af Helstu tíðindum dagsins í pósthólfið þitt

Lesa nánar

Inga Sæland formaður Flokks fólksins hefur lagt fram vantrauststillögu á ríkisstjórnina. Í ræðu á Alþingi í dag hvatti Inga til þess að sem flest  mæti á þingpalla þegar hún mælir fyrir tillögunni.

Inga nýtti tækifærið undir dagskrárliðnum störf þingsins og ræddi um hversu lítið henni þykir til ríkisstjórnarinnar koma og hversu bágt ástand mála sé hér á landi að hennar mati:

„Hér er vaxandi fátækt og ég ætla bara að benda á það að hér finnst ekki ein einasta innviðastoð í íslensku samfélagi í dag sem stendur ekki á brauðfótum undir stjórn þessarar ríkisstjórnar nema hin styrka stoð græðgiskjafta bankanna sem nú eru að raka til sín sem aldrei fyrr peninga frá fyrirtækjum og heimilunum í landinu, og nú er einmitt snjóflóðið að falla á þá sem hafa verið með fasta og breytilega vexti. Hér hafa skuldir heimilanna vaxið um 40% á örstuttum tíma. Staðan hefur aldrei verið verri í heilbrigðismálum og fasteignamarkaðurinn er gjörsamlega í rúst.“

Drýpur smjör af hverju strái?

Inga segir ríkisstjórnina bregða upp mynd sem sé ekki í samræmi við veruleikann:

„Samt er komið hér upp ítrekað og talað um hvað hér drjúpi smjör af hverju strái og allt sé frábært. Það eru ósannindi og það veit fólkið í landinu. Það vita þeir sem eru að glíma við það dagsdaglega að eiga mat á diskinn sinn, sem eru núna í ótta um það hvort þeir halda heimili sínu. Ég ætla ekki að tala um þær afleiðingar sem hamfarirnar hafa haft á Grindvíkinga og hvernig í rauninni ríkisstjórnin hefur dregið lappirnar í því að láta hlutina ganga eðlilega fyrir sig, fyrir fólk sem er gjörsamlega í sárum.“

Inga segir það því ekki furðulegt að „við“ viljum losna við ríkisstjórnina. Hvort hún á við sjálfa sig og sinn flokk eða einhver fleiri var ekki tekið fram í ræðunni.

Að lokum skorar Inga á fólk að mæta á þingpallana þegar hún mælir fyrir vantrauststillögunni:

„Þessi ríkisstjórn er ekkert annað en skaðræði fyrir íslenskt samfélag og ég skora á alla sem vettlingi geta valdið að mæta á þingpallana á morgun þegar ég mæli fyrir þessu vantrausti gagnvart ríkisstjórn Íslands.“

Þingfundur stendur nú yfir á Alþingi en dagskrá næsta þingfundar hefur ekki verið gefin út á vef þingsins, þegar þessi orð eru rituð, og því ekki öruggt að vantraustsstillagan verði tekin fyrir á morgun en Birgir Ármannsson forseti Alþingis tjáði Mbl.is fyrr í dag að kosið yrði um tillöguna, sem útbýtt var í dag, eins fljótt og mögulegt er. Birgir sagði hefð fyrir því að kjósa um vantraustsstillögur innan við tveimur dögum eftir að þær eru lagðar fram. Verði tillaga Ingu ekki tekin fyrir á morgun ætti það því að verða í síðasta lagi á fimmtudag.

 

 

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Pennar

Mest lesið

Nýlegt

Eyjan
Fyrir 3 dögum

„Mér finnst Ólafur Ragnar Grímsson hafa notað hann bæði rétt í Icesave og í fjölmiðlafrumvarpinu“

„Mér finnst Ólafur Ragnar Grímsson hafa notað hann bæði rétt í Icesave og í fjölmiðlafrumvarpinu“
Eyjan
Fyrir 3 dögum

Viðtöl við forsetaframbjóðendur: Arnar Þór Jónsson – full aðild að ESB er betri en aðild að EES

Viðtöl við forsetaframbjóðendur: Arnar Þór Jónsson – full aðild að ESB er betri en aðild að EES
Eyjan
Fyrir 5 dögum

Fégráðugur tengdasonur veldur Donald Trump vanda

Fégráðugur tengdasonur veldur Donald Trump vanda
Eyjan
Fyrir 5 dögum

Viðtöl við forsetaframbjóðendur: Arnar Þór Jónsson – Dómstólarnir víkja stjórnarskránni til hliðar og þjóna valdinu – þingið illa mannað

Viðtöl við forsetaframbjóðendur: Arnar Þór Jónsson – Dómstólarnir víkja stjórnarskránni til hliðar og þjóna valdinu – þingið illa mannað
Eyjan
Fyrir 1 viku

Steinunn Ólína reið RÚV – „Raðar í AÐAL-bekk og AUKA-bekk“

Steinunn Ólína reið RÚV – „Raðar í AÐAL-bekk og AUKA-bekk“
Eyjan
Fyrir 1 viku

Helga svarar Kára fullum hálsi

Helga svarar Kára fullum hálsi