fbpx
Laugardagur 15.júní 2024
Eyjan

Vilhjálmur Birgisson: Verðum að fá óháða erlenda sérfræðinga til að meta gjaldmiðilinn – treystir ekki Seðlabankanum vegna beinna hagsmuna hans af tilvist krónunnar

Ritstjórn Eyjunnar
Sunnudaginn 1. október 2023 12:30

Ekki missa af Helstu tíðindum dagsins í pósthólfið þitt

Lesa nánar

Vilhjálmur Birgisson segir Seðlabankanum ekki treystandi til að meta áhrif krónunnar vegna þess að allir þar innan dyra myndu missa vinnuna ef við köstum krónunni. Þess vegna þurfum við óháða erlenda sérfræðinga. Hann hefur þegar tekið málið upp við Samtök atvinnulífsins og innan verkalýðshreyfingarinnar. Hann vill fá á hrint hvort það er krónan sem kemur í veg fyrir samkeppni frá erlendum bönkum og tryggingafélögum hér á landi.

Vilhjálmur er gestur Ólafs Arnarsonar í hlaðvarpi Markaðarins á Eyjunni.

Vilhjálmur Birgisson 1
play-sharp-fill

Vilhjálmur Birgisson 1

Ég verið að horfa á það af hverju ríkir svona mikil fákeppni á öllum sviðum samfélagsins. Af hverju hefur enginn erlendur banki áhuga á að koma hér og bjóða til dæmis upp á einhvers konar lánafyrirkomulag, tryggingafélög og svona mæti lengi telja.

Þegar maður fer að skoða þessa hluti út frá þeirri fákeppni sem við höfum þurft að búa við þá eru margir hagfræðingar sem hafa haldið því fram að það sé meðal annars vegna þess að enginn vilji snerta á íslensku krónunni með töngum, ef svo má að orði komast.

Út frá þessum þáttum hefur mér bara fundist eðlilegt, í ljósi þess að það er hægt að skipta hagfræðingum og fræðingum upp til helminga um áhrif íslensku krónunnar. Þurfum við þá ekki bara að kalla til erlenda, virta, óháða aðila til þess að fara yfir gjaldmiðlamálin hjá okkur og í slíkri úttekt yrði allt undir; evra dollari, danska krónan, norska krónan og svo framvegis?

Vilhjálmur segist raun og veru ekki skilja hvers vegna í ósköpunum hvers ekki sé löngu búið að láta framkvæma slíka úttekt. „Núna hef ég verið að vinna í því í samtölum við Samtök atvinnulífsins, og líka innan verkalýðshreyfingarinnar, að það verði bara aðilar vinnumarkaðarins sem láti framkalla slíka úttekt, taki bara frumkvæðið og forystuna í þessu máli einfaldlega vegna þess að við finnum engan óháðan aðila hér á landi.

Seðlabankinn skilaði 600 blaðsíðna skýrslu fyrir nokkrum árum um gjaldmiðlamál. Í mínum huga er algerlega fráleitt að láta Seðlabankann gera slíka úttekt einfaldlega vegna þess að Seðlabankinn, eða tilvist Seðlabankans, hangir saman við sjálfstæðan gjaldmiðil. Þeir eru í raun og veru að taka ákvörðun um það hvort þeir sem þar starfa hafi vinnu áfram eða ekki, ef þannig má að orði komast, þannig að niðurstaðan úr slíkri úttekt hjá Seðlabankanum getur í raun og veru aldrei orðið önnur en að við eigum að halda okkur við íslensku krónuna sem gjaldmiðil.“

Hægt er að hlusta á hlaðvarpið í heild sinni hér :

Einnig er hægt að hlusta á Spotify eða hlaðvarpsþjónustu Google:

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Pennar

Mest lesið

Nýlegt

Eyjan
Fyrir 3 dögum

Hvað segja lögin umdeildu sem Bjarkey segir binda hendur sínar?

Hvað segja lögin umdeildu sem Bjarkey segir binda hendur sínar?
Eyjan
Fyrir 3 dögum

Orðið á götunni: Er landbúnaður atvinnugrein eða lífsstíll?

Orðið á götunni: Er landbúnaður atvinnugrein eða lífsstíll?
Eyjan
Fyrir 4 dögum

Guðmundur Ingi vill róttækari VG

Guðmundur Ingi vill róttækari VG
Eyjan
Fyrir 5 dögum

Leigumarkaður: Leigufélagið Bríet sagt spillingarbæli Framsóknar sem fari verr með leigjendur en Heimavellir

Leigumarkaður: Leigufélagið Bríet sagt spillingarbæli Framsóknar sem fari verr með leigjendur en Heimavellir
Eyjan
Fyrir 1 viku

Svíar ræða hvort taka eigi upp evru

Svíar ræða hvort taka eigi upp evru
Eyjan
Fyrir 1 viku

Friðjón segir fullyrðingar Steinunnar minna á Qanon – „Mér fannst það á mörkunum þegar Stefán Einar Stefánsson spurði Baldur Þórhallsson um myndina á klúbbnum“

Friðjón segir fullyrðingar Steinunnar minna á Qanon – „Mér fannst það á mörkunum þegar Stefán Einar Stefánsson spurði Baldur Þórhallsson um myndina á klúbbnum“
Hide picture