fbpx
Mánudagur 24.janúar 2022
Eyjan

Segir að ríkisstjórnin hafi styrkt þéttan varnargarð sinn um stórútgerðina enn frekar

Kristján Kristjánsson
Þriðjudaginn 4. janúar 2022 08:01

Mynd úr safni

Ekki missa af Helstu tíðindum dagsins í pósthólfið þitt

Lesa nánar

Enn einn hnullungurinn var lagður að þéttum varnargarði ríkisstjórnarinnar um sérhagsmuni stórútgerðarinnar þegar Svandís Svavarsdóttir, sjávarútvegsráðherra, skilaði auðu við spurningum Hönnu Katrínar Friðriksson, þingflokksformanns Viðreisnar, um skýrslu sem Kristján Þór Júlíusson, forveri Svandísar í sjávarútvegsráðuneytinu, lét gera.

Þetta segir Hanna Katrín í grein í Morgunblaðinu í dag. Hún segir að þar með fari að verða útséð um að ríkisstjórnin ætli að upplýsa um þau ítök sem stórútgerðin hefur í samfélaginu í skjóli pólitískra ákvarðana.

Hún bendir á að fyrir rúmlega ári síðan hafi hún átt frumkvæði að því að Alþingi fæli sjávarútvegsráðherra að vinna skýrslu um eignarhald 20 stærstu útgerðarfélaga landsins í öðru atvinnulífi í landinu en sjávarútvegi. Markmiðið hafi verið að veita þjóðinni mikilvægar upplýsingar um ítök stórútgerðarinnar í samfélaginu, ítök sem eru tilkomin vegna nýtingar stórútgerðarinnar á fiskveiðiauðlindinni. „Nýtingar sem ríkisstjórn VG, Sjálfstæðisflokks og Framsóknar berst með kjafti og klóm gegn að verði tímabundin, þvert á vilja yfirgnæfandi meirihluta almennings. Hvað þá að markaðurinn fái að ráða verðinu fyrir aðgang útgerðanna að auðlindinni okkar með sölu heimilda á uppboði,“ segir Hanna Katrín.

Hún segir að vinnan við skýrsluna hafi sannarlega farið af stað en af einhverjum ástæðum hafi verið stigið á bremsuna innan ráðuneytisins og málið tafið. Þegar skýrslan hafi loks verið birt, um 18 mánuðum eftir að skilafrestur rann út, hafi lítið bitastætt verið að finna í henni. Ekki hafi verið kortlagt hvernig stórútgerðirnar hafa nýtt gróða sinn til að fjárfesta í flutningafyrirtækjum og fjölmiðlum, fasteignum og tryggingafélögum, heilbrigðisgeiranum, matvælamarkaði, ferðaþjónustu, veitingastöðum og fleiri geirum.

„Þessi leyndarhyggja vakti furðu flestra og því ákvað ég að forvitnast um það hjá nýjum ráðherra sjávarútvegsmála hvað hefði eiginlega gerst. Hvers vegna upplýsingar um fjárfestingar 20 stærstu útgerðarfélaganna sem voru í upphaflegum skýrsludrögum hefðu verið felldar út, á grundvelli hvaða ráðgjafar ráðuneytið hafi talið óheimilt að birta umbeðnar upplýsingar og hvort nýi ráðherrann væri sammála því mati. Ráðherra sagðist ekki geta svarað þessum spurningum. Ekki einu sinni því hvort hún væri sammála mati fyrrverandi ráðherra,“ segir Hanna Katrín og bætir við að það sé leitt hversu ráðalaus Svandís sé.

„Mér er það því ljúft að minna á að þegar hún tók við lyklunum sem nýr sjávarútvegsráðherra spurði hún fráfarandi ráðherra hvort hún mætti hringja í vin. Sá möguleiki virðist því miður hafa gleymst,“ segir hún.

Hún segir að það sé kannski huggun í huga einhverra að í svari Svandísar komi fram að til standi að skipa nefnd um aukið gegnsæi í rekstri stærstu sjávarútvegsfyrirtækjanna. „Sennilega munu þó fleiri taka eftir kaldhæðninni í þessu leikriti,“ segir hún að lokum.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Pennar

Mest lesið

Nýlegt

Eyjan
Í gær

Orðið á götunni: Kvennabylting í kortunum í prófkjörum Sjálfstæðisflokksins

Orðið á götunni: Kvennabylting í kortunum í prófkjörum Sjálfstæðisflokksins
EyjanFastir pennar
Í gær

Björn skrifar: Ótrúleg upplifun úr stúkunni í Búdapest – Íslendingar heilluðu alla í höllinni

Björn skrifar: Ótrúleg upplifun úr stúkunni í Búdapest – Íslendingar heilluðu alla í höllinni
Eyjan
Fyrir 3 dögum

Bjarni kominn heim úr fríinu og skýtur fast á Samfylkinguna – „Ég sé og finn að sumir hafa saknað mín“

Bjarni kominn heim úr fríinu og skýtur fast á Samfylkinguna – „Ég sé og finn að sumir hafa saknað mín“
Eyjan
Fyrir 3 dögum

Orri vill leiða framsóknarmenn í Kópavogi

Orri vill leiða framsóknarmenn í Kópavogi
Eyjan
Fyrir 5 dögum

Jóhann opinberar innihald bréfs sem ríkisstjórnin fékk en sagði ekki frá

Jóhann opinberar innihald bréfs sem ríkisstjórnin fékk en sagði ekki frá
Eyjan
Fyrir 5 dögum

Ingu Sæland úthúðað í harðorðu bréfi frá reiðum bónda – „Þér er nefnilega sama um fátæka bændur. Þú ert hræsnari“

Ingu Sæland úthúðað í harðorðu bréfi frá reiðum bónda – „Þér er nefnilega sama um fátæka bændur. Þú ert hræsnari“