Heimurinn stendur frammi fyrir olíuskorti til langs tíma að mati Igor Setjin, forstjóra rússneska olíufyrirtækisins Rosneft. Ástæðan er meðal annars að of lítið hefur verið fjárfest í olíuiðnaðinum því sjónir fólks hafa beinst svo mikið að öðrum orkugjöfum en á sama tíma hefur eftirspurn eftir olíu aukist.

Hann segir orkufyrirtækin hafi ekki fjárfest nægilega mikið í iðnaðinum því þau hafi notað of mikið af peningum til að kaupa eigin hlutabréf og greiða hluthöfum arð. Hann telur að olíuskorts muni gæta strax á síðari árshelmingi ársins.

Rússar eru mjög háðir tekjum af sölu á olíu og gasi. Þeir hafa lofað að draga úr losun gróðurhúsalofttegunda en standa öðrum þjóðum langt að baki hvað varðar nýtingu orkugjafa á borð við sól, vind og vetni. Ríkisstjórnin því innleitt hagstætt skattaumhverfi og ríkisstyrki fyrir fyrirtæki sem vinna að þróun umhverfisvænna orkugjafa. Þetta segir Setjin að muni valda álagi á ríkisútgjöld og gera að verkum að endurnýtanleg orka verði dýr.