fbpx
Þriðjudagur 30.nóvember 2021
Eyjan

Vextir farnir að hækka – Bitnar á heimilunum

Kristján Kristjánsson
Miðvikudaginn 28. október 2020 08:00

Hús Seðlabankans.

Ekki missa af Helstu tíðindum dagsins í pósthólfið þitt

Lesa nánar

Fram að þessu hafa hærri vextir á skuldabréfamarkaði bitnað á lánskjörum hins opinbera og fyrirtækja en nú eru þeir byrjaðir að hafa bein á hrif á heimilin í formi vaxtahækkana á íbúðalánum.

„Allir vextir á markaði miðast við ávöxtunarkröfu ríkisskuldabréfa. Þegar hún hækkar hefur það keðjuverkandi áhrif á alla vexti í íslenskum krónum,“

Hefur Markaður Fréttablaðsins eftir Stefáni Brodda Guðjónssyni, sérfræðingi í markaðsviðskiptum hjá Arion banka, en Markaðurinn fjallar um málið í dag. Fram kemur að Íslandsbanki ætli að hækka vexti á húsnæðislánum nú í vikunni og er sú ákvörðun rökstudd með hækkandi ávöxtunarkröfu á skuldabréfamarkaði en hún hefur mjakast upp á við undanfarna mánuði.

Þessa vaxtahækkun á skuldabréfamarkaði má rekja til óvissu um hvernig ríkissjóður ætlar að fjármagna gríðarlegan hallarekstur næstu árin. Markaðurinn segist hafa heimildir fyrir að Ásgeir Jónsson, seðlabankastjóri, hafi talað fyrir því innan stjórnkerfisins að undanförnu að ríkið ráðist í stóra skuldabréfaútgáfu erlendis.

Ef það verður gert myndi innlend lánsfjárþörf ríkissjóðs minnka og einnig ætti slík útgáfa að styðja við gengi krónunnar sem hefur farið lækkandi að undanförnu.

Í mars boðaði Seðlabankinn kaup á ríkisskuldabréfum fyrir allt að 150 milljarða til að tryggja að fjármagnsþörf ríkisins myndi ekki þrýsta upp vöxtum. Bankinn hefur þó aðeins keypt ríkisbréf fyrir um 900 milljónir síðan.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Pennar

Mest lesið

Nýlegt

Eyjan
Fyrir 1 viku

Donald Trump er í hefndarhug gegn flokksbróður sínum í Georgíu

Donald Trump er í hefndarhug gegn flokksbróður sínum í Georgíu
Eyjan
Fyrir 1 viku

Hanna Katrín áfram þingflokksformaður en nýr varaformaður kjörinn

Hanna Katrín áfram þingflokksformaður en nýr varaformaður kjörinn
Eyjan
Fyrir 1 viku

Guðmundur spyr erfiðra spurninga: „Af hverju er Ísland svona spes?“

Guðmundur spyr erfiðra spurninga: „Af hverju er Ísland svona spes?“
Eyjan
Fyrir 1 viku

Óeining innan undirbúningsnefndar kjörbréfanefndar um talningarmálið

Óeining innan undirbúningsnefndar kjörbréfanefndar um talningarmálið