fbpx
Föstudagur 03.júlí 2020
Eyjan

Agnes segir orð Ólafs ósmekkleg og skólar hann til í kærleika: „Við hjálpum hælisleitendum vegna þess að við erum kristin“

Ritstjórn Eyjunnar
Mánudaginn 8. apríl 2019 09:39

Ekki missa af Helstu tíðindum dagsins í pósthólfið þitt

Lesa nánar

Líkt og Eyjan greindi frá þá furðaði Ólafur Ísleifsson, þingmaður Miðflokksins, sig á því að sést hefði til „æðstu manna þjóðkirkjunnar“ á mótmælunum á Austurvelli þegar hælisleitendur mótmæltu aðbúnaði sínum og almennri tilurð landamæra.

Ólafur hafði í pontu Alþingis  agnúast út í að Dómkirkjan hefði verið opnuð fyrir hælisleitendum sem þurftu að sinna kalli náttúrunnar  og spurði dómsmálaráðherra með hneykslunartón hvort hún deildi áhyggjum sínum yfir því að æðstu menn þjóðkirkjunnar hefðu breytt dómkirkju landsins í „almenningsnáðhús“.  Uppskar Ólafur vandlætingarhróp og köll af þessu tilefni frá þingmönnum.

Sjá einnig: Ólafur fékk skammir fyrir að kalla Dómkirkjuna „almenningsnáðhús“ – „Kirkjan opin öllum“ segir prestur

Sjá einnig: Ólafur Ísleifsson gagnrýnir hælisleitendurna harðlega:„Senda þetta fólk úr landi med det samme“

Elska skaltu náungann

Agnes M. Sigurðardóttir, biskup Íslands  er í viðtali við Mannlíf þar sem hún svarar Ólafi og segist líta á hælisleitendur sem fólk:

„Ég lít þannig á náungann að ég elska náungann. Ég elska Guð, náungann og sjálfa mig í þessari röð. Náungi minn eru allar manneskjur og sérstaklega þær manneskjur sem þarfnast hjálpar. Þjóðkirkjan hefur, eins og aðrar kirkjur á Vesturlöndum, látið til sín taka varðandi þessi málefni hælisleitenda vegna þess að við lítum ekki á hælisleitendur sem hælisleitendur, við lítum á þá sem fólk. Hælisleitendur eru bara fólk eins og við en flestir þeirra hafa upplifað miklu erfiðari lífsreynslu en við flest hér á Íslandi vegna þess að þau hafa þurft að flýja sitt land, flýja frá ófriði. Þau eru að sækjast eftir friði og þau eru að sækjast eftir mannréttindum. Þetta vil ég styðja.“

Ósmekklegt hjá Ólafi

Agnes segir notkun guðshússins hafa verið í anda frelsarans og telur ummæli Ólafs vera ósmekkleg, þó hún virði rétt hans til tjáningarfrelsis:

„Ég fór niður á Austurvöll því það er ekki nóg að tala, það verður líka að fylgja því eftir sem maður er að segja. Maður verður að lifa í samræmi við boðun sína./

Það að opna Dómkirkjuna fyrir öllu fólki, líka fyrir hælisleitendum, er bara í anda frelsarans./

Það er nú þannig að engin manneskja getur stjórnað annarri og maður á nú nóg með að stjórna sjálfum sér þannig að ég ræð svo sem ekki viðbrögðum fólks eða hugsunum og því síður skoðunum. Við búum í frjálsu landi, sem betur fer, og það er öllum frjálst að hafa sína skoðun svo framarlega sem hún meiðir ekki annað fólk. Menn hafa sínar skoðanir og ef það má láta allar skoðanir í ljós á þingi þá hljóta þingmenn að hafa leyfi til þess. En mér finnst þetta frekar ósmekklegt. Það er hægt að nálgast öll mál á mismunandi máta, maður getur verið jákvæður og neikvæður og alls konar en mér fannst þessi umræða frekar í neikvæðari kantinum. Við opnum kirkjurnar fyrir fólkinu okkar og við hjálpum hælisleitendum vegna þess að við erum kristin, ekki vegna þess að þau eru kristin.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Eyjan
Fyrir 2 dögum

Þorgerður Katrín gagnrýnir ummæli fjármálaráðherra og segir þau gamaldags

Þorgerður Katrín gagnrýnir ummæli fjármálaráðherra og segir þau gamaldags
Eyjan
Fyrir 2 dögum

Þingmaður fékk sérstaka sendingu inn um bréfalúguna – „Það er einhvern veginn allt leyfilegt“

Þingmaður fékk sérstaka sendingu inn um bréfalúguna – „Það er einhvern veginn allt leyfilegt“
Eyjan
Fyrir 3 dögum

Hvað fær fólk í forsetaframboð sem það getur ekki unnið? – Guðfinnur veltir fyrir sér „Gúnda-fylginu“

Hvað fær fólk í forsetaframboð sem það getur ekki unnið? – Guðfinnur veltir fyrir sér „Gúnda-fylginu“
Eyjan
Fyrir 3 dögum

Telur fjölgun borgarfulltrúa misráðna

Telur fjölgun borgarfulltrúa misráðna
Eyjan
Fyrir 4 dögum

„Líklega eru fáar atvinnugreinar sem fólk hefur meiri skömm á en stjórnmál“

„Líklega eru fáar atvinnugreinar sem fólk hefur meiri skömm á en stjórnmál“
Eyjan
Fyrir 4 dögum

Guðni segist afar þakklátur – Skýr vilji þjóðarinnar um að halda áfram á sömu braut

Guðni segist afar þakklátur – Skýr vilji þjóðarinnar um að halda áfram á sömu braut
Eyjan
Fyrir 5 dögum

Forsetar Íslands, Austurríkis og Ítalíu

Forsetar Íslands, Austurríkis og Ítalíu
Eyjan
Fyrir 6 dögum

Jón Þór – „Máli Kristjáns Þórs er ekki lokið“

Jón Þór – „Máli Kristjáns Þórs er ekki lokið“