Kjartan Henry Finnbogason, aðstoðarþjálfari FH, var getur Helga Fannars Sigurðssonar og Hrafnkels Freys Ágústssonar í nýjasta þætti af Íþróttavikunni á 433.is.

Í vetur var mikið fjallað um slæma fjárhagsstöðu FH og hæstráðendur þar gagnrýndir harðlega í Skessu-málinu svokallaða. Kjartan var spurður að því hvort þetta hafi eitthvað tekið á þjálfarana eða leikmenn.

„Ég held ekki. Það er þreytt þegar það er neikvætt umtal í kringum félagið en það eru tvær hliðar á öllum málum og blessunarlega núna er búið að leysa það mál,“ sagði Kjartan, en knatthúsið Skessan var keypt af Hafnarfjarðarbæ nýlega.

„Þannig að við lítum bara björtum augum á framtíðina. Þetta eru alltaf langir vetur þó að þeir séu að styttast, þá eru þetta þungir vetur og undirbúningur. Janúar og febrúar geta verið dimmir og hvað þá þegar það er endalaust verið að tala um einhverja hluti sem að koma fótbolta þannig séð ekkert við, eitthvað rekstrarmál. Þannig að við gerum bara það sem við við kunnum. Við látum aðra um hitt.“

Nánar í spilaranum.