Ahmed Elmohamady, náinn vinur og fyrrum samherji Mohamed Salah, hefur stígið fram og varið stjörnuna í kjölfar þess að Salah sakaði Liverpool um að hafa „kastað sér fyrir rútuna“.

Salah hélt engu aftur þegar hann ræddi ástandið eftir 3-3 jafnteflið gegn Leeds, þriðja leikinn í röð þar sem hann byrjaði á bekknum og svaraði jafnframt gagnrýni Liverpool-goðsagnarinnar Jamie Carragher. Carragher brást hart við og gagnrýndi Salah í átta mínútna ræðu, þar sem hann hvatti hann til að einbeita sér að liðsheildinni og finna aftur sitt besta form.

Carragher minntist einnig á erfiða daga Salah hjá Chelsea og skort á titlum með Egyptalandi, sem fór illa í stuðningsmenn Salah.

Elmohamady, sem lék með Salah í landsliðinu í nær átta ár, varð sérstaklega reiður og kallaði Carragher skammarlegan.

„Jamie, þú ert til skammar,“ skrifaði Elmohamady á X.

„Salah endurskrifaði feril sinn með vinnusemi, auðmýkt og gæðafótbolta.“

„Honum mistókst ekki hjá Chelsea, hann fékk aldrei tækifæri. Hann fór til Ítalíu, byggði sig upp, og kom svo til Liverpool þar sem hann varð: goðsögn í ensku úrvalsdeildinni, besti leikmaður Egyptalands frá upphafi og einn stöðugasti framherji sinnar kynslóðar.

„Salah bar Egyptaland í mörg ár og kom liðinu á HM tvisvar eftir langt hlé. Hann á allt sitt skilið.“

Elmohamady svaraði einnig gagnrýni Carragher með því að rifja upp augnablik þar sem hann sjálfur hefur verið gagnrýndur: „Ekkert skrýtið að Ronaldo hunsaði þig. Ekkert skrýtið að Messi kallaði þig út. Og Mourinho hafði rétt fyrir sér, þú varst undir meðallagi og varst ekki einu sinni í topp 1.000 varnarmönnum í úrvalsdeildinni.“