
Aston Villa er í toppmálum þessa dagana og á sínu besta skriði í á annað hundrað ár, eins og tölfræðiveitan Opta vekur athygli á.
Villa vann topplið Arsenal í ensku úrvalsdeildinni um síðustu helgi og er liðið skyndilega í titilbaráttu, aðeins 3 stigum frá Skyttunum.
Lærisveinar Unai Emery fylgdu því eftir með því að vinna Basel í Evrópudeildinni í gær, 1-2, og eru sigrarnir nú orðnir átta í röð.
Félagið sem slíkt hefur ekki náð slíkum árangri sem efstu deildarlið í yfir hundrað ár, eða síðan 1914. Þá tókst Villa að vinna ellefu leiki í röð.
Villa heimsækir West Ham í ensku úrvalsdeildinni á sunnudag og getur haldið sigurgöngunni áfram þar.
8 – Aston Villa have won each of their last eight games in all competitions; their longest run as a top-flight side since March 1914 (11). Momentum. pic.twitter.com/uaJrGDZrwg
— OptaJoe (@OptaJoe) December 11, 2025