
Javier Tebas, forseti La Liga, hvetur Real Madrid til að halda tryggð við Xabi Alonso þrátt fyrir erfitt gengi.
Það er talið að farið sé að hitna vel undir Alonso, sem hefur aðeins unnuð svo af síðustu átta leikjum. Þá er fjallað um meint ósætti hans við nokkrar af stjörnum Real Madrid.
„Ég hef séð þessa mynd oft áður. Real Madrid kann að snúa svona stöðum við. Xabi Alonso er með Madrid-DNA og ég trúi að hann, leikmennirnir og félagið fari saman í gegnum þetta,“ segir Tebas þó.
Alonso kom til Real Madrid í sumar eftir að hafa skilað frábæru starfi með Bayer Leverkusen í Þýskalandi.
„Leyfið honum að halda áfram. Hann hefur þegar sannað sig, það er ekki auðvelt að vinna Bundesliguna án þess að tapa. Hann er fullkomlega tilbúinn í að klára þetta,“ segir Tebas enn fremur.