Leikkonan Elizabeth Hurley, sem er hvað þekktust fyrir leik sinn í Austin Powers myndunum og Gossip Girl þáttunum, afhjúpar leyndarmálið á bak við unglegt útlit sitt.
Liz, sem verður 59 ára í sumar, slær reglulega í gegn á samfélagsmiðlum en hún er óhrædd við að birta djarfar myndir af sér á Instagram.
Sjá einnig: Svarar loksins fyrir þrálátan orðróm um að hún hafi tekið sveindóm Harry Bretaprins
Prófaðu að endurhlaða síðuna ef þú sérð ekki færsluna hér að neðan.
View this post on Instagram
Hún fær oft hrós fyrir glæsilegt og unglegt útlit. Hún afhjúpar nú leyndarmálið á bak við það og það er alls ekki flókið.
„Ég er frekar einföld, ég drekk ekki skrýtna græna safa eða neitt svoleiðis,“ sagði hún við Telegraph.
Hún sagðist þurfa að passa hvað hún borðar og að hún skoði innihaldslýsingar á öllu sem hún borðar og hafi gert það síðan hún var unglingur.
Hurley sagðist forðast mat sem er búið að vinna of mikið, eins og tilbúnar samlokur, og hún velji frekar einfaldan mat. Eins og grillaðan kjúkling, kartöflumús og grænmeti.
Leikkonan fer ekki í ræktina. „En ég er mjög virk, ég er alltaf á ferðinni. Við erum með reglu heima að það má ekki horfa á sjónvarpið fyrir klukkan 18:00, þannig enginn er að hanga fyrir kvöldmat.
