Disick, sem er þekktastur fyrir að hafa verið með raunveruleikastjörnunni Kourtney Kardashian, hefur grennst mikið undanfarið ár, svo mikið að aðdáendur hafa lýst yfir gífurlegum áhyggjum af honum.
Í síðasta mánuði fóru nýlegar myndir af honum í dreifingu um netheima og héldu margir að hann væri mjög veikur, en samkvæmt heimildum DailyMail hefur Disick verið á Ozempic um nokkurt skeið og léttist svona mikið á lyfinu.
Áður hefur verið fjallað um aukaverkun lyfsins, þegar einstaklingar grennast mjög hratt þá fá þeir svo kallað „Ozempic andlit.“
Sjá einnig: Lýtalæknar græða á aukaverkun vinsæla megrunarlyfsins – Þetta er „Ozempic andlitið“
Disick var sagður hafa byrjað á Ozempic því hann var örvæntingarfullur að grennast eftir að hafa þyngst eftir bílslys í ágúst 2022.
Samkvæmt nýrri frétt frá DailyMail hefur Disick leitað sér aðstoðar hjá næringarfræðingi til að koma sér á strik á ný.
„Scott áttaði sig á því að hann þyrfti að hætta á Ozempic eftir að hafa séð myndirnar af sér, og einnig vegna ákalls áhyggjufullra aðdáenda vegna rosalegs þyngdartaps hans,“ sagði heimildarmaðurinn.
„Honum fannst hann líta vel út því hann var grennri, en hann var ekki búinn að átta sig á því að þetta væri ekki heilbrigt. Hann er nú með næringarfræðing sem er að hjálpa honum að komast í heilbrigða þyngd, án þess að verða jafn þungur og hann varð áður.“
Að lokum sagði hann: „Scott hefur alla tíð verið mjög myndarlegur og í góðu formi og hefur þess vegna átt erfitt með að sætta sig við að hækkandi aldur sé að breyta því.“
