Muhammed Emin Kizilkaya áhugamaður um íslensk óveður og doktorsnemi við Háskóla Íslands fann á upphafsdögum eldgossins við Litla-Hrút á Reykjanesskaga skeifu sem talið er að geti mögulega verið frá 13. öld.
Fyrr í kvöld sagði Muhammed frá nýjustu ferð sinni á gosstöðvarnar í færslu á Facebook-síðu sinni en þar náði hann myndum af náttúrufyrirbrigði sem hann hann segir að sé kallað rykdjöfull:
„Við gengum að eldfjallinu og urðum vitni að fyrirbrigði sem myndast vegna hitans frá eldfjallinu; svokölluðum „rykdjöfli“. Rykdjöflar myndast þegar heitt loft stígur hratt upp frá yfirborði jarðar til himins og fyrir verður miklu kaldara loft þar rétt fyrir ofan og enn hærra uppi. Við slíkar aðstæður teygist á heita loftinu og það myndast snúningshreyfing eins og í hvirfilbyl.
Þeir eru yfirleitt skaðlausir en sérstaklega öflugir rykdjöflar geta valdið eignatjóni.
Þetta er svo sannarlega heillandi.“
Það er erfitt að taka ekki undir síðustu setninguna í færslu Muhammed en hana, með stuttu myndskeiði af rykdjöflinum, má sjá hér að neðan:
