fbpx
Laugardagur 30.ágúst 2025
433Sport

Arnar fer ítarlega yfir tíðindi dagsins úr Víkinni: Önnur félög sýndu áhuga – „Það er ekkert persónulegt og enginn þarf að fara í fýlu“

Helgi Fannar Sigurðsson
Föstudaginn 28. júlí 2023 11:13

Arnar gerði frábæra hluti í Víkinni. Mynd/Eyþór Árnason

Ekki missa af Helstu tíðindum dagsins í pósthólfið þitt

Lesa nánar

Birnir Snær Ingason skrifaði í dag undir nýjan samning við Víking R. sem gildir út leiktíðina 2025. Arnar Gunnlaugsson þjálfari er að vonum himinnlifandi með tíðindi dagsins.

Hinn 26 ára gamli Birnir var að verða samningslaus eftir tímabilið og gat þá farið frítt. Hafði hann til að mynda verið orðaður við Breiðablik. Nú er hins vegar ljóst að hann verður áfram.

„Þetta eru hrikalega sterkar fréttir fyrir lokaátökin í sumar. Hann er búinn að vera frábær fyrir okkur,“ sagði Arnar er 433.is ræddi við hann í sólinni í Víkinni í morgun.

Birnir hefur verið frábær í sumar á sínu öðru tímabili í Víkinni, skorað sex mörk og lagt upp jafnmörg. Arnar var spurður út í það hvort Birnir hafi gert eitthvað öðruvísi en vanalega á undirbúningstímabilinu.

„Það var kannski smá hugarfarsbreyting. Hann átti líka fínasta tímabil í fyrra, miðað við að þetta hafi verið fyrsta tímabilið með okkur. En svo setti hann bara í annan gír í vetur og þú uppskerð eins og þú sáir í þessum bransa og þessu lífi.

Hér í Víkinni fá menn mjög góða umgjörð til að bæta sig en á endanum kemur þetta allt frá þeim sjálfum. Hann hefur alltaf verið duglegur í gegnum allan sinn feril en ég held að hann hafi tekið aukaskref í vetur.“

video
play-sharp-fill

Sem fyrr segir var Birnir orðaður við brottför frá Víkingi en ákvað að lokum að vera áfram. Það var vitaskuld áhugi annars staðar frá.

„Leikmenn og þjálfarar eru sjálfselskir. Þeir skoða hvað er í boði og það er bara frábært, þeir heyra hvað aðrir þjálfarar segja og á endanum taka þeir þá ákvörðun sem hentar þeim best. Birnir taldi sínum ferli best borgið hér hjá okkur sem gerir mig mjög glaðan.“

Arnar skilur það vel að íslensk félög reyni að kroppa í leikmenn sem eru að standa sig vel annars staðar.

„Ég vona að við séum með þannig lið að þegar leikmenn eru á lausu reyni menn að stökkva á það. Það er bara hrós. Það er ekkert persónulegt og enginn þarf að fara í fýlu. Við gerum það nákvæmlega sama ef bestu leikmenn annarra liða eru á lausu. Þetta er bara hluti af leiknum.

Það er svo mikil leikmannavelta hjá okkur á hverju ári. Ef leikmenn vilja fara þá segir ég bara: Takk kærlega fyrir mig og gangi þér vel annars staðar. Ef þú vilt vera áfram er það bara frábært.“

Nýr samningur lokar þó engum dyrum fyrir Birni varðandi atvinnumennsku.

„Ef þú ert að standa þig vel í Bestu deildinni er áhugi erlendis frá. Vonandi fer Birnir út á einhverjum tímapunkti. Bara ekki í sumar.“

Viðtalið í heild er í spilaranum

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

433Sport
Fyrir 7 klukkutímum

Hafa trú á því að Amorim segi af sér

Hafa trú á því að Amorim segi af sér
433Sport
Fyrir 7 klukkutímum

England: Chelsea lagði Fulham og fór á toppinn

England: Chelsea lagði Fulham og fór á toppinn
433Sport
Fyrir 10 klukkutímum

Betri en Konate og myndi henta Liverpool fullkomlega

Betri en Konate og myndi henta Liverpool fullkomlega
433Sport
Fyrir 11 klukkutímum

Viðurkennir að Isak geti alls ekki spilað 90 mínútur

Viðurkennir að Isak geti alls ekki spilað 90 mínútur
433Sport
Í gær

Einn út og annar inn hjá Skyttunum

Einn út og annar inn hjá Skyttunum
433Sport
Í gær

Velta því upp hvort Mourinho snúi aftur til Englands – Áhugavert starf gæti orðið laust á næstunni

Velta því upp hvort Mourinho snúi aftur til Englands – Áhugavert starf gæti orðið laust á næstunni
433Sport
Í gær

Vilja losna við Heimsmeistarann frá Sádí Arabíu – Nokkur félög opna samtalið

Vilja losna við Heimsmeistarann frá Sádí Arabíu – Nokkur félög opna samtalið
433Sport
Í gær

Þetta eru erfiðustu og auðveldustu leikirnir sem liðin fá í Meistaradeildinni

Þetta eru erfiðustu og auðveldustu leikirnir sem liðin fá í Meistaradeildinni
Hide picture