Harðir bardagar geisa nú í austurhluta Úkraínu. Þar tekst úkraínski herinn á við rússneska innrásarherinn og hefur svo sannarlega þörf fyrir alla þá aðstoð og krafta sem hann getur fengið.

Í skógunum nærri Kreminna er hópur úkraínska hermanna, sem tilheyra DNIPRO 1, sem eru auga úkraínska hersins í fremstu víglínu og að baki hennar. Þetta teymi sem stýrir drónum sem eru notaðir til að fylgjast með ferðum rússneskra hermanna.

Þetta kemur fram í nýlegri umfjöllun CNN en fréttamenn miðilsins heimsóttu teymið og fylgdust með störfum þess.

„Síðasta mánuðinn hefur herinn okkar að mestu sótt fram en síðustu tvær vikur, eða svo, höfum við verið kyrrir og Rússarnir hafa gert gagnsókn,“ sagði drónaflugmaðurinn Ruslan.

Á drónaverkstæði voru hermenn í óðaönn við að saga sprengjur frá NATO í tvennt og koma þeim fyrir á drónum.

„Að vera drónastjórnandi er eitt hættulegasta starfið. Um leið og þeir átta sig á að drónastjórnandi er einhvers staðar nota þeir allskonar vopn: stórskotalið, sprengjuvörpur, skriðdreka,“ sagði Graf, yfirmaður drónaverkstæðisins, í samtali við CNN.

„Það er mikið mannfall hjá okkur,“ bætti hann við.