Á ellefta tímanum í gærkvöldi var óskað eftir aðstoð lögreglu vegna ofurölvi erlends manns sem var inni á salerni rútu. Rútan var að koma frá því að flytja erlenda knattspyrnuáhugamenn í flug. Þessi maður hafði drukkið of mikið áfengi og sofnaði ölvunarsvefni inni á salerni rútunnar og missti af fluginu.  Lögreglumönnum tókst að vekja hann og gekk hann sína leið.

Í Háaleitis- og Bústaðahverfi hafði lögreglan afskipti af konu í annarlegu ástandi á sjöunda tímanum í gær. Hún sagðist hafa verið að kaupa sér fíkniefni og hefði notað efnin. Í kjölfarið hefði hún verið við að líða út af. Taldi hún fíkniefnasalan hafa byrlað sér ólyfjan. Hún sagði fólk einnig hafa ráðist á sig. Sjúkrabifreið var kölluð á vettvang.

Um miðnætti var tilkynnt um líkamsárás í Miðborginni. Þar voru slagsmál yfirstaðin er lögreglan kom á vettvang. Einn blóðugur maður var þá á vettvangi. Frekar upplýsingar liggja ekki fyrir um málið að sinni.