Stórsöngkonan Jóhanna Guðrún Jónsdóttir og fyrrverandi eiginmaður hennar, Davíð Sigurgeirsson, hafa sett glæsilegt einbýlishús sitt í Hafnarfirði á sölu. Parið fjárfesti í fasteigninni m mitt ár 2018 en um er að ræða glæsilegt 302 fermetra hús við Hrauntungu 6 í Hafnarfirði. Verðmiðinn á eigninni er 114,9 milljónir króna.
Í lýsingu Heimili fasteignasölu á eigninni segir:
Eignin er skráð 302,7 fm að stærð, þar af íbúðarrými 253,1 fm og bílskúr 49,6 fm, og skipist í anddyri, hol/skála, stofu- borðsstofu, eldhús, búr, hjónaherbergi, tvö barnaherbergi, þvottahús og bílskúr með geymslu á neðri hæð og stofu, tvö herbergi og snyrtingu á þeirri efri.
Þá er efri hæði eftirtektarverð en þar er flott aðstaða til tónlistariðkunar og í raun og veru mætti halda þar ball. Ekki vanþörf á enda Jóhanna Guðrún og Davíð landsfrægt tónlistarfólk.
Það hefur verið skammt stórra högga á milli hjá Jóhönnu Guðrúnu – að minnsta kosti undanfarið á síðum fjölmiðla. Tilkynnt var um skilnað hennar og Davíðs í september síðastliðnum. Þá greindi Fréttablaðið frá því í gær að hún væri tekin saman við Ólaf Friðrik Ólafsson en þau voru par á árum áður. Morgunblaðið greindi síðan frá því síðar sama dag að parið ætti von á sínu fyrsta barni saman. Fyrir á Jóhanna tvö börn með fyrrverandi eiginmanni sínum.
