Það er útlit fyrir það að Mario Gomez sé búinn að spila sinn síðasta leik á ferlinum.
Gomez var lengi frábær framherji fyrir Bayern Munchen og þýska landsliðið en hann er 34 ára gamall í dag.
Gomez skoraði í 3-1 tapi Stuttgart gegn Darmstadt í dag í síðasta leik tímabilsins.
,,Þetta var síðasta markið mitt til að kveðja sem leikmaður í fyrstu deild,“ sagði Gomez.
,,Ég var viss í byrjun tímabils að við myndum fara upp. Ég ákvað að þetta yrði mitt síðasta tímabil í Stuttgart, í Þýskalandi og örugglega sem knattspyrnumaður.“
Stuttgart er búið að tryggja sæti sitt í efstu deild á nýjan leik.