KA menn sigruðu lið HK í ótrúlega spennandi og dramatískum leik á Hásteinsvelli í gær þegar úrslitaleikur Orkumótsins fór fram.
HK menn sóttu lengstum meira en tókst ekki að skora frekar en KA mönnum í venjulegum leiktíma. Framlengja varð því leikinn um 2 x 5 mínútur og þegar um 10 sekúndur lifðu af síðari hálfleik framlengingarinnar slapp Ágúst Már Þorvaldsson einn í gegn fyrir KA og tryggðI KA 1-0 sigur.
Tíminn var það naumur að HK menn gátu ekki einu sinni tekið miðju.. Myndir eftir úrslitaleikinn ef ungum drengjum í sárum sínum hafa vakið athygli á samfélagsmiðlum.
Þar má sjá leikmenn KA hughreysta niðurbrotna leikmenn HK sem áttu erfitt með að taka þessum úrslitum.
Myndirnar sejga allt og eru hér að neðan.
Úrslitaleikur Orkumótsins. KA með flautumark í lok framlengingar, 1-0! Svekkjandi fyrir mína menn í HK. pic.twitter.com/f0Cl3AHjzN
— Vilhjálmur (@Siggeirsson) June 27, 2020
Þessar tvær frábæru myndir náðust af þessum ungu guttum eftir úrslitaleik Orkumotsins (KA vann á síðustu sec framlengingar). Myndirnar segja meira en þúsund orð. Fullt kredit á Sigga fyrir að hughreysta þennan unga gutta úr HK. #fegurðíþrótta pic.twitter.com/EHuHCFJNVg
— saevar petursson (@saevarp) June 28, 2020
