Skemmtistaðurinn Dillon ætlar að vera með tónleika í beinni útsendingu á netinu klukkan 19. Í kvöld koma fram þau Svavar Knútur, Ásta og rokkdúettinn Velvet Villain.
https://www.facebook.com/DillonWhiskeyBar/videos/145841010096048/
Kynnir á tónleikunum er goðsögnin Andrea Jónsdóttir.
Svavar Knút ættu flestir að þekkja en Ásta er klassískt menntaður víóluleikari sem gerðist popptónlistarmaður. Plata hennar Sykurbað var valin plata ársins í sínum flokki á Íslensku tónlistarverðlaununum nýverið.
Rokkdúóið Velvet Villain skipa svo þeir Jón Gauti og Jón Salka. Hljómsveitin var stofnuð árið 2018 og spilar orkumikið bílskúrsrokk
Þetta verða væntanlega fyrstu tónleikarnir af mörgum með þessu sniði á Dillon næstu vikur. Með þessu vill Dillon gefa listamönnum tækifæri til þess að koma sér á framfæri í þessu furðulega ástandi sem er í gangi þessa dagana. Dillon sér um alla tæknilega vinnslu og það er hljóðmaður á svæðinu sem sér um að allt gangi snurðulaust fyrir sig. Í samvinnu við Aur appið verður svo hægt að styrkja þá tónlistarmenn sem spila hverju sinni.
Ef tónlistarmenn hafa áhuga á að taka þátt í þessu verkefni er þeim bent á að hafa samband í gegnum
Facebook-síðu Dillon.
