John Obi Mikel mun ekki taka ákvörðun sína til baka um að yfirgefa lið Trabzonspor í Tyrklandi.
Mikel ákvað að segja samningnum upp nýlega eftir að deildinni í Tyrklandi var ekki frestað vegna kórónaveirunnar.
Mikel gerði færslu á Instagram þar sem hann heimtaði það að deildin yrði sett í pásu.
,,Félagið var mjög svekkt með stöðuna. Mér var sagt að funda með forsetanum undir fjögur augu,“ sagði Mikel.
,,Hann sagði mér að taka færsluna niður. Ég neitaði því. Þetta er mín skoðun og svona líður mér.“
,,Við búum í frjálsum heimi og mér er frjálst að tjá mig. Ég má segja mína skoðun.“
,,Ég vildi vinna deildina líka en á þessum tímum hugsum við um það sem er mikilvægt: að bjarga mannslífum.“
