Það er ljóst að vængmaðurinn öflugi Douglas Costa verður ekki með liði Juventus í næsta leik Meistaradeildarinnar.
Costa þurfti að fara af velli í 2-1 tapi gegn Hellas Verona um helgina og verður frá í þrjár vikur.
Brassinn verður því ekki með í fyrri leik Juventus og Lyon í 16-liða úrslitum Meistaradeildarinnar.
Um er að ræða meiðsli aftan í læri en Costa mun einnig missa af deildarleikjum gegn SPAL og Brescia.
